Connect with us

ಭಾವ ಭೈರಾಗಿ

ಕವಿತೆ | ಬರಲಿ ಮತ್ತೊಮ್ಮೆ..!

Published

on

  • ರಂಜಿತ ಹರಲೀಪುರ

ದೊಂದು ಕಾಲವಿತ್ತು ಎಲ್ಲೆಂದರಲ್ಲಿ ಗಿಡಮರ,
ಎಲ್ಲೆಂದರಲ್ಲಿ ಪಕ್ಷಿ ಸಂಕುಲ,
ಕಾಲ ಕಾಲಕ್ಕೆ ಬೀಳುತ್ತಿದ್ದ ಮಳೆರಾಯನ
ಕೃಪೆಯಿಂದ ಸಾಗುತಿತ್ತು ರೈತನ
ನೆಮ್ಮದಿಯ ಜೀವನ.

ಪರಿಶುದ್ಧ ವಾಯುವಿಗಾಗಿ ಹಂಬಲಿಸುವ
ಕಾಲ ಇದಾಗಿದೆ,
ದೊಡ್ಡ ದೊಡ್ಡ ಗಿಡಮರಗಳ ಉರುಳಿಸಿ
ಡಾಂಬರ್, ಕಾಂಕ್ರೀಟ್ ನಂತಹ ಉದ್ದಗಲದ
ರಸ್ತೆಗಳು ನಿರ್ಮಾಣಗೊಂಡಿವೆ,
ಮುಗಿಲೆತ್ತರದ ಟೆಲಿ ಟವರ್ ಗಳಿಂದ
ಪಕ್ಷಿ ಸಂಕುಲದ ನಷ್ಟ ಉಂಟಾಗಿದೆ.

ಕೃತಕ ವನ ನಿರ್ಮಿಸಿ ನೆಮ್ಮದಿಯ
ಹುಡುಕುವ ಕಾಲ ಇದಾಗಿದೆ,
ಪ್ರಕೃತಿಯ ಸಮತೋಲನಕ್ಕಾಗಿ ಮನುಷ್ಯ
ಹೋರಾಡುವಂತಾಗಿದೆ.
ಪ್ರಕೃತಿಯು ಮನುಷ್ಯನೊಂದಿಗೆ ಮುನಿಸಿಕೊಂಡು
ಒಮ್ಮೊಮ್ಮೆ ಸಿಡುಕುತ್ತಿದೆ,
ಒಮ್ಮೊಮ್ಮೆ ರಾಜಿಯಾಗುತ್ತಿದೆ.

ಬರಲಿ ಮತ್ತೊಮ್ಮೆ ಅಂತದ್ದೊಂದು
ನೆಮ್ಮದಿಯ ಕಾಲ,
ಅಚ್ಚ ಹಸಿರಿನ ಪರಿಸರದ ಮಡಿಲಲ್ಲಿ
ವಾಸಿಸುವ ನೆಮ್ಮದಿಯ ಸುಂದರ ಕಾಲ.

ಕವಯಿತ್ರಿ : ರಂಜಿತ ಹರಲೀಪುರ

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

ಭಾವ ಭೈರಾಗಿ

ಆಗಾಗ ನೆನ್ಪಾಗ್ತವೆ ಆ ದಿನಗಳು

Published

on

ಕವಯಿತ್ರಿ : ಭೂಮಿಕಾ ಮಾದಾಪುರ
  • ಭೂಮಿಕಾ ಮಾದಾಪುರ

ರೆತರೂ ಮತ್ತೆ ಮತ್ತೆ ನೆನಪಾಗುವ
ಆ ದಿನಗಳು
ನೆನೆದಾಗಾಲೆಲ್ಲಾ ಅದೇನೋ ಫುಳಕ
ಮನಸ್ಸಲ್ಲೊಂಥರಾ ರೋಮಾಂಚನ..
ಮತ್ತೆಂದಿಗೂ ಮರಳಿ ಬಾರದ ಆ ದಿನಗಳನ್ನು ನೆನೆದರೆ ಕಣ್ತುಂಬಿಕೊಳ್ಳುತ್ತೆ..

ನಿಶ್ಕಲ್ಮಷವಾದ ನಡತೆ, ಮುದ್ದಾದ ಮಾತುಗಳು,
ಮನೆ ಮುಂದೆ , ಸಾಲಿ ಮುಗ್ದ್ಮೇಲ್ ಆಡಿದಾಟ
ಹೊತ್ತೋತ್ತಿಗೆ ಕೈತ್ತುತ್ತು , ಅತಿಯಾದ ಪ್ರೀತಿ..

ಬೆಳಿಗ್ಗೆ ಎದ್ದೇಳ್ಬೆಕಾದ್ರೆ ಇರೋ ಸೋಂಬೆರಿತನ
ಸಾಲಿಗೋದ್ ಕೂಡ್ಲೆ ಮಂಗ್ಮಾಯ..
ತೊಡಿ ಮ್ಯಾಲ್ ಒಂದ್ ಸಣ್ ಟವಲ್ ಹಾಕೋಂಡ್
ಸಾಲ್ಯಾಗ್ line ಹಚ್ ಕುಂತು ಸಹನಾವವತು ಹೇಳ್ತಾ
ಆಹಾ! ಅದೆಷ್ಟ್ ಮುದ್ದಾಗಿದ್ವಲ್ಲಾ ನಾವೆಲ್ಲಾ..

ಬಿಡಪ್ಪ ದೃಷ್ಠಿ ಆಗ್ತತಿ..

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಭಾವ ಭೈರಾಗಿ

ಕವಿತೆ | ಮತ್ತೊಮ್ಮೆ ಗಾಂಧಿ

Published

on

  • ದಿವಾಕರ್. ಡಿ ಮಂಡ್ಯ

ತ್ತೊಮ್ಮೆ ಗಾಂಧಿ
ನೆನಪಿಗೆ ಬಂದ
ಅಹಿಂಸೆಯೇ ಗೆಲುವೆಂದ;
ಬೆತ್ತಲಿನ ಮಡಿಯ ಅಚ್ಚ
ಬಿಳುಪಿನ ವಸ್ತ್ರದ ನೊಡೋಕೆ ಚಂದ;

ದಟ್ಟ ದರಿದ್ರರ ಬಾಳಿಗೆ
ಹೊಸ ಆಶಾಕಿರಣ ತಂದ
ನಾವೆಲ್ಲರೂ ಸಮಾನರೆಂದ;
ಸಕಲರನ್ನು ಗೌರವಿಸಿ ಶತೃಗಳನ್ನು
ಕ್ಷಮಿಸಿ ಸಹೃದತೆಯ ಮೆರೆಯಿರೆಂದ;

ದೀನ ದಲಿತರ ಅಸೂಯಗೆ
ಕೊನೆಯೇ ಇಲ್ಲವೆಂದು
ಅಸ್ಪೃಶ್ಯತೆ ಶಾಪವೆಂದ;
ನಾವೆಲ್ಲರೂ ಭಾರತೀಯರು
ಧರ್ಮ ಜಾತಿ ಮೇಲು ಕೀಳು
ಕೊನೆಗಾಣಿಸಬೇಕೆಂದ:

ಬುದ್ಧ- ಬಸವಣ್ಣ, ಗಾಂಧಿ- ಅಂಬೇಡ್ಕರ್ ಸಮಾನತೆಯ
ಹರಿಕಾರರೆಂದ, ಹರಿದು ಹಂಚಿ
ಹೋದ ಮನುಜರೆದೆಯಲಿ
ಮಾನವೀಯತೆ ಬೆಳೆಯಲಿ ಎಂದ;

ದೇಶದಲ್ಲಿ ಅಬಲೆಯರ ಕಗ್ಗೊಲೆ
ಸಹಿಸದಿರಿ ಎಂದ ಸರ್ಕಾರವೇ ಕಣ್ಮುಚ್ಚಿ ಕುಳಿತರೇ ಬಾಯಿ
ಮುಚ್ಚಿಕೊಂಡಿರದಿರಿ ಎಂದ
ಹಿಂಸೆಗೆ ಪ್ರತಿಹಿಂಸೆ ಔಷದವಲ್ಲವೆಂದ;

ಮತ್ತೊಮ್ಮೆ ಗಾಂಧಿ ನೆನಪಿಗೆ
ಬಂದ ಹಿಂಸೆಯ ಆರಾಧಕರ
ಶುಭಾಶಯ ಕೇಳೋದೆ ಚಂದ;
ಹಾರ ತುರಾಯಿ ಸಮಾಧಿ ಮೇಲೆ
ಕಪಟಿ ದ್ಯಾನಸಕ್ತನಂತೆ ಕೈ ಮುಗಿಯೋದು ನೋಡೋಕೆ ಚಂದ;

ಮತ್ತೊಮ್ಮೆ ಗಾಂಧಿ
ನೆನಪಿಗೆ ಬಂದ;
ಮುಂದಿನ ಹುಟ್ಟು ಹಬ್ಬಕ್ಕಾದರೂ
ಭಾರತೀಯರ ಬದುಕನ್ನು ಸಿಹಿ ಮಾಡಿರೆಂದು ಹೋದ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಭಾವ ಭೈರಾಗಿ

ಕವಿತೆ | ಹಾರುವ ಹೂವು

Published

on

ಕವಯಿತ್ರಿ | ಪಲ್ಲವಿ ಶೆಟ್ಟಿ
  • ಪಲ್ಲವಿ ಶೆಟ್ಟಿ

ಚಂದಾಗಿ ಮೊಳೆತು
ನವಿರಾದ ಚಿಗುರಾಗಿದ್ದೆ
ಪಲ್ಲವಿಸಿ ಅರಳಿ ಘಮ ಚೆಲ್ಲುವ ಹೂವೂ ಆದೆ
ಒಲವಿನ ಹೆಚ್ಚಾಸೆಯಿಂದ ಬಾಗಿದೆ
ನೀನೂ ನನ್ನಂತೆ ಕೋಮಲವೆಂದನಿಸಿ…!

ನೀನೇಕೋ ನನ್ನ ಬಂಧನವನು ಜರೂರು ಮಾಡಿಬಿಟ್ಟೆ
ಬಂಧಿಯಾದರೂ ಸುಖಿಸುತ್ತಿರುವ ಭಾಸದಿಂದ ನಿನ್ನ ನವಿರಿಗೆ ನಾ ಬೇಡಿಕೆಯಿಡಲಿಲ್ಲ
ಹೇಗೋ ಗಡುಸುತನಕ್ಕೆ ಒಗ್ಗಿ ನಿಲ್ಲಲು ಶುರು ಮಾಡಿದೆ!
ನೀ ನೂಕಿದೆ…!

ಸಂಪೂರ್ಣವಾಗಲ್ಲದಿದ್ದರೂ ಕೊಂಚವಾದರೂ ನಾ ಬಳಲಿದ್ದೆ
ಹೂವು ನಾನಾಗಿರಲಿಲ್ಲ
ಇನ್ನೊಮ್ಮೆ ನಗಬೇಕೆನಿಸಿ ಹಾರುವ ಚಿಟ್ಟೆಯಾಗಿದ್ದೇನೆ
ಆಗಾಗ ನೀ ಕಂಡರೂ ಒಮ್ಮೆ ಜೇನು ಹೀರಿ ಆನಂದಿಸುವ ದುರಾಸೆ
ಬೇಗ ಬಳಲಿ ಬಾಡಿಬಿಡು

ಇದ್ದೂ ಇದ್ದು ನನ್ನ ರೆಕ್ಕೆಯ ಕಟ್ಟಿಬಿಡಬೇಡ
ಮತ್ತೆ ನಿನ್ನೆಡೆಗೆ ಸೆಳೆಯುವ ದುರಾಸೆಯೇಕೆ
ಹಾರುವುದ ಕಲಿತಿದ್ದೇನೆ
ಮತ್ತೊಂದು ಹೂವಿಗಾಗಿ ಅಲ್ಲ
ಮತ್ತೆ ಹೂವಿಗೆ ಬಲಿಯಾಗದಿರಲೆಂದು

ಹಾರಲು ಬಿಟ್ಟು ಬಿಡು…

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

Trending