Connect with us

ಭಾವ ಭೈರಾಗಿ

ಕವಿತೆ | ಆಗುತ್ತಲೇ ಇರಲಿಲ್ಲ..!

Published

on

Art : Eleanor Coen, American, 1916-2010 | Reprisal (Fascist Crimes Against the People)
  • ಬಿ.ಶ್ರೀನಿವಾಸ, ದಾವಣಗೆರೆ

ಮೊನ್ನೆ ದಿನದ
ಹುಡುಗಿಯರಂತೆ
ಕೂಗಿದ್ದಿದ್ದರೆ…

ಸೀತೆ
ಕಾಡಿಗೆ ಹೋಗುತ್ತಿರಲಿಲ್ಲ

ಅಪಹರಣವಾಗುತ್ತಿರಲಿಲ್ಲ
ದ್ರೌಪದಿಯ
ಮಾನ

ದಿಟ್ಟೆಯಂತೆ
ಕೂಗಿದ್ದಿದ್ದರೆ..

ನಿಲ್ಲುತ್ತಲೇ ಇರಲಿಲ್ಲ
ಅಹಲ್ಯೆ
ಕಲ್ಲಾಗಿ!

ಕೇವಲದ ಬಣ್ಣಗಳು
ಆಗುತ್ತಿರಲಿಲ್ಲ
ರಕ್ತವರ್ಣ!

ಹಗಲುಗಳು
ಬಣ್ಣ ಕಳೆದುಕೊಳ್ಳುತ್ತಿರಲಿಲ್ಲ

ಬಣ್ಣ ಬಳಿದ
ರಾತ್ರಿಗಳು ಹೀಗೆ ನಿದ್ದೆ ಕಸಿಯುತ್ತಿರಲಿಲ್ಲ

ಮತಿಹೀನರಿಗೆ
ಮತ ಮಾರಾಟವಾಗಿರದಿದ್ದರೆ…

ವಸ್ತ್ರಗಳೂ
ಮುಚ್ಚಿರುತ್ತಿದ್ದವು
ಏಸೊಂದು ಜನರ
ಬೆತ್ತಲೆ ದೇಹಗಳನು

ಹಾಕಬೇಕಿರಲಿಲ್ಲ
ಧರ್ಮಗ್ರಂಥಗಳನು
ತೂಗುವ ತಕ್ಕಡಿಗೆ

ಮಾಡಬೇಕಿರಲಿಲ್ಲ
ನ್ಯಾಯಕೂ ತುಲಾಭಾರ!

ಅಸಲಿಗೆ
ಅಯೋಧ್ಯೆಯ ರಾಮ,ಪೈಗಂಬರ,ಏಸು
ದೇಶಾಂತರ ಹೋಗಿರದಿದ್ದರೆ..

ಇರುತ್ತಲೇ ಇರಲಿಲ್ಲ
ಗದ್ದಲ
ಈಗಿನಂತೆ..!

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

ಭಾವ ಭೈರಾಗಿ

ಆಗಾಗ ನೆನ್ಪಾಗ್ತವೆ ಆ ದಿನಗಳು

Published

on

ಕವಯಿತ್ರಿ : ಭೂಮಿಕಾ ಮಾದಾಪುರ
  • ಭೂಮಿಕಾ ಮಾದಾಪುರ

ರೆತರೂ ಮತ್ತೆ ಮತ್ತೆ ನೆನಪಾಗುವ
ಆ ದಿನಗಳು
ನೆನೆದಾಗಾಲೆಲ್ಲಾ ಅದೇನೋ ಫುಳಕ
ಮನಸ್ಸಲ್ಲೊಂಥರಾ ರೋಮಾಂಚನ..
ಮತ್ತೆಂದಿಗೂ ಮರಳಿ ಬಾರದ ಆ ದಿನಗಳನ್ನು ನೆನೆದರೆ ಕಣ್ತುಂಬಿಕೊಳ್ಳುತ್ತೆ..

ನಿಶ್ಕಲ್ಮಷವಾದ ನಡತೆ, ಮುದ್ದಾದ ಮಾತುಗಳು,
ಮನೆ ಮುಂದೆ , ಸಾಲಿ ಮುಗ್ದ್ಮೇಲ್ ಆಡಿದಾಟ
ಹೊತ್ತೋತ್ತಿಗೆ ಕೈತ್ತುತ್ತು , ಅತಿಯಾದ ಪ್ರೀತಿ..

ಬೆಳಿಗ್ಗೆ ಎದ್ದೇಳ್ಬೆಕಾದ್ರೆ ಇರೋ ಸೋಂಬೆರಿತನ
ಸಾಲಿಗೋದ್ ಕೂಡ್ಲೆ ಮಂಗ್ಮಾಯ..
ತೊಡಿ ಮ್ಯಾಲ್ ಒಂದ್ ಸಣ್ ಟವಲ್ ಹಾಕೋಂಡ್
ಸಾಲ್ಯಾಗ್ line ಹಚ್ ಕುಂತು ಸಹನಾವವತು ಹೇಳ್ತಾ
ಆಹಾ! ಅದೆಷ್ಟ್ ಮುದ್ದಾಗಿದ್ವಲ್ಲಾ ನಾವೆಲ್ಲಾ..

ಬಿಡಪ್ಪ ದೃಷ್ಠಿ ಆಗ್ತತಿ..

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಭಾವ ಭೈರಾಗಿ

ಕವಿತೆ | ಮತ್ತೊಮ್ಮೆ ಗಾಂಧಿ

Published

on

  • ದಿವಾಕರ್. ಡಿ ಮಂಡ್ಯ

ತ್ತೊಮ್ಮೆ ಗಾಂಧಿ
ನೆನಪಿಗೆ ಬಂದ
ಅಹಿಂಸೆಯೇ ಗೆಲುವೆಂದ;
ಬೆತ್ತಲಿನ ಮಡಿಯ ಅಚ್ಚ
ಬಿಳುಪಿನ ವಸ್ತ್ರದ ನೊಡೋಕೆ ಚಂದ;

ದಟ್ಟ ದರಿದ್ರರ ಬಾಳಿಗೆ
ಹೊಸ ಆಶಾಕಿರಣ ತಂದ
ನಾವೆಲ್ಲರೂ ಸಮಾನರೆಂದ;
ಸಕಲರನ್ನು ಗೌರವಿಸಿ ಶತೃಗಳನ್ನು
ಕ್ಷಮಿಸಿ ಸಹೃದತೆಯ ಮೆರೆಯಿರೆಂದ;

ದೀನ ದಲಿತರ ಅಸೂಯಗೆ
ಕೊನೆಯೇ ಇಲ್ಲವೆಂದು
ಅಸ್ಪೃಶ್ಯತೆ ಶಾಪವೆಂದ;
ನಾವೆಲ್ಲರೂ ಭಾರತೀಯರು
ಧರ್ಮ ಜಾತಿ ಮೇಲು ಕೀಳು
ಕೊನೆಗಾಣಿಸಬೇಕೆಂದ:

ಬುದ್ಧ- ಬಸವಣ್ಣ, ಗಾಂಧಿ- ಅಂಬೇಡ್ಕರ್ ಸಮಾನತೆಯ
ಹರಿಕಾರರೆಂದ, ಹರಿದು ಹಂಚಿ
ಹೋದ ಮನುಜರೆದೆಯಲಿ
ಮಾನವೀಯತೆ ಬೆಳೆಯಲಿ ಎಂದ;

ದೇಶದಲ್ಲಿ ಅಬಲೆಯರ ಕಗ್ಗೊಲೆ
ಸಹಿಸದಿರಿ ಎಂದ ಸರ್ಕಾರವೇ ಕಣ್ಮುಚ್ಚಿ ಕುಳಿತರೇ ಬಾಯಿ
ಮುಚ್ಚಿಕೊಂಡಿರದಿರಿ ಎಂದ
ಹಿಂಸೆಗೆ ಪ್ರತಿಹಿಂಸೆ ಔಷದವಲ್ಲವೆಂದ;

ಮತ್ತೊಮ್ಮೆ ಗಾಂಧಿ ನೆನಪಿಗೆ
ಬಂದ ಹಿಂಸೆಯ ಆರಾಧಕರ
ಶುಭಾಶಯ ಕೇಳೋದೆ ಚಂದ;
ಹಾರ ತುರಾಯಿ ಸಮಾಧಿ ಮೇಲೆ
ಕಪಟಿ ದ್ಯಾನಸಕ್ತನಂತೆ ಕೈ ಮುಗಿಯೋದು ನೋಡೋಕೆ ಚಂದ;

ಮತ್ತೊಮ್ಮೆ ಗಾಂಧಿ
ನೆನಪಿಗೆ ಬಂದ;
ಮುಂದಿನ ಹುಟ್ಟು ಹಬ್ಬಕ್ಕಾದರೂ
ಭಾರತೀಯರ ಬದುಕನ್ನು ಸಿಹಿ ಮಾಡಿರೆಂದು ಹೋದ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ಭಾವ ಭೈರಾಗಿ

ಕವಿತೆ | ಹಾರುವ ಹೂವು

Published

on

ಕವಯಿತ್ರಿ | ಪಲ್ಲವಿ ಶೆಟ್ಟಿ
  • ಪಲ್ಲವಿ ಶೆಟ್ಟಿ

ಚಂದಾಗಿ ಮೊಳೆತು
ನವಿರಾದ ಚಿಗುರಾಗಿದ್ದೆ
ಪಲ್ಲವಿಸಿ ಅರಳಿ ಘಮ ಚೆಲ್ಲುವ ಹೂವೂ ಆದೆ
ಒಲವಿನ ಹೆಚ್ಚಾಸೆಯಿಂದ ಬಾಗಿದೆ
ನೀನೂ ನನ್ನಂತೆ ಕೋಮಲವೆಂದನಿಸಿ…!

ನೀನೇಕೋ ನನ್ನ ಬಂಧನವನು ಜರೂರು ಮಾಡಿಬಿಟ್ಟೆ
ಬಂಧಿಯಾದರೂ ಸುಖಿಸುತ್ತಿರುವ ಭಾಸದಿಂದ ನಿನ್ನ ನವಿರಿಗೆ ನಾ ಬೇಡಿಕೆಯಿಡಲಿಲ್ಲ
ಹೇಗೋ ಗಡುಸುತನಕ್ಕೆ ಒಗ್ಗಿ ನಿಲ್ಲಲು ಶುರು ಮಾಡಿದೆ!
ನೀ ನೂಕಿದೆ…!

ಸಂಪೂರ್ಣವಾಗಲ್ಲದಿದ್ದರೂ ಕೊಂಚವಾದರೂ ನಾ ಬಳಲಿದ್ದೆ
ಹೂವು ನಾನಾಗಿರಲಿಲ್ಲ
ಇನ್ನೊಮ್ಮೆ ನಗಬೇಕೆನಿಸಿ ಹಾರುವ ಚಿಟ್ಟೆಯಾಗಿದ್ದೇನೆ
ಆಗಾಗ ನೀ ಕಂಡರೂ ಒಮ್ಮೆ ಜೇನು ಹೀರಿ ಆನಂದಿಸುವ ದುರಾಸೆ
ಬೇಗ ಬಳಲಿ ಬಾಡಿಬಿಡು

ಇದ್ದೂ ಇದ್ದು ನನ್ನ ರೆಕ್ಕೆಯ ಕಟ್ಟಿಬಿಡಬೇಡ
ಮತ್ತೆ ನಿನ್ನೆಡೆಗೆ ಸೆಳೆಯುವ ದುರಾಸೆಯೇಕೆ
ಹಾರುವುದ ಕಲಿತಿದ್ದೇನೆ
ಮತ್ತೊಂದು ಹೂವಿಗಾಗಿ ಅಲ್ಲ
ಮತ್ತೆ ಹೂವಿಗೆ ಬಲಿಯಾಗದಿರಲೆಂದು

ಹಾರಲು ಬಿಟ್ಟು ಬಿಡು…

ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

Trending