ಲೈಫ್ ಸ್ಟೈಲ್
ಚಿಕನ್ ಪಕೋಡ ಮಾಡೋದು ಹೇಗೆ ಗೊತ್ತಾ..?
ಚಿಕನ್ ಪಕೋಡ ರೆಸಿಪಿ
ಅರ್ಧ ಕೇಜಿ ಮೂಳೆಯಿಲ್ಲದ (bone less) ಚಿಕನ್ನನ್ನು ಉಪ್ಪು ಹಾಕಿ ತೊಳೆದು ಕೊಂಡು ಸಣ್ಣದಾಗಿ ತುಂಡು ಮಾಡಿಕೊಳ್ಳಿ. (ಈರುಳ್ಳಿ ಸಣ್ಣಗೆ ಉದ್ದಕ್ಕೆ ಹೆಚ್ಚಿಕೊಳ್ಳೋ ತರ)
ಪಾಯಸಕ್ಕೆ ಉಪಯೋಗಿಸುವ ಶಾವಿಗೆಯನ್ನು ಬಿಸಿ ನೀರಲ್ಲಿ ಬೇಯಿಸಿಕೊಳ್ಳಬೇಕು. ನೀರು ಕುದಿ ಬಂದ ಕೂಡಲೇ ಒಲೆ ಆಫ್ ಮಾಡಿ, ನಂತರ ಶಾವಿಗೆಯನ್ನು ಬಿಸಿನೀರಿನಿಂದ ಬಸಿದು, ತಕ್ಷಣ ತಣ್ಣೀರು ಹಾಕಿ ಬಸಿದುಕೊಳ್ಳಿ.
ನಂತರ ಒಂದು ಬಟ್ಟಲಲ್ಲಿ ತುಂಡು ಮಾಡಿದ ಚಿಕನ್, ಬೇಯಿಸಿದ ಶಾವಿಗೆ, ನಾಲ್ಕು ಚಮಚೆ ಕಾರ್ನ್ ಫ್ಲೋರ್, ಉಪ್ಪು, ಕರಿಮೆಣಸು ಪುಡಿ, ಕಾರದ ಪುಡಿ, ಜೀರಿಗೆ, ಶುಂಟಿ ಬೆಳ್ಳುಳ್ಳಿ ಪೇಸ್ಟ್. ಚೂರು ನಿಂಬೆ ರಸ ಇಷ್ಟನ್ನೂ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.
ಎಣ್ಣೆಯನ್ನು ಚೆನ್ನಾಗಿ ಬಿಸಿ ಮಾಡಿ ಕಲಸಿದ ಮಿಶ್ರಣಕ್ಕೆ ಸ್ವಲ್ಪವೇ ನೀರು ಬೆರೆಸಿ ಮಿಶ್ರಣವನ್ನು ಪಕೋಡ ತರ ಎಣ್ಣೆಯಲ್ಲಿ ಬಿಡಿ. ಎಣ್ಣೆ ಬಿಸಿಯಾದ ನಂತರ ಸಣ್ಣ ಉರಿಯಲ್ಲೇ ನಿಧಾನವಾಗಿ ಪಕೋಡಗಳನ್ನು ಬೇಯಿಸಬೇಕು. ಟಮೋಟೋ ಚಟ್ನಿಯೊಂದಿಗಿನ ಈ ಪಕೋಡ ಮಕ್ಕಳಿಗಂತೂ ತುಂಬಾ ಇಷ್ಟವಾಗುತ್ತೆ.
