ರಾಜಕೀಯ
ನಾಗ್ಪುರದಲ್ಲಿ ಕಾಂಗ್ರೆಸ್ ಗೆ ಭರ್ಜರಿ ಜಯ
ಸುದ್ದಿದಿನ, ನಾಗ್ಪುರ : ಬಿಜೆಪಿಯನ್ನು ಅಧಿಕಾರದಿಂದ ದೂರವಿರಿಸಲು ಕಾಂಗ್ರೆಸ್ ಮತ್ತು ಶರದ್ ಪವಾರ್ ಅವರ ಎನ್ಸಿಪಿ ಶಿವಸೇನೆಯೊಂದಿಗೆ ಮೈತ್ರಿ ಮಾಡಿಕೊಂಡು ಸರ್ಕಾರ ರಚಿಸಿದ ಒಂದು ತಿಂಗಳ ನಂತರ, ಮೂರು ಪಕ್ಷಗಳು ಪ್ರತ್ಯೇಕವಾಗಿ ಸ್ಪರ್ಧಿಸಿದರೂ ರಾಜ್ಯದ ಜಿಲ್ಲಾ ಪರಿಷತ್ ಚುನಾವಣೆಯಲ್ಲಿ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾಗಿವೆ.
ಇನ್ನೊಂದೆಡೆಗೆ ಬಿಜೆಪಿಯ ಶಕ್ತಿ ಕೇಂದ್ರವಾದ ನಾಗ್ಪುರದಲ್ಲಿ ಕಾಂಗ್ರೆಸ್ ಪ್ರಾಬಲ್ಯ ಸಾಧಿಸಿದೆ.ಶರದ್ ಪವಾರ್ ಅವರ ಎನ್ಸಿಪಿ ವಾಶಿಮ್ನಲ್ಲಿ 12 ಸ್ಥಾನಗಳೊಂದಿಗೆ ಉತ್ತಮ ಪ್ರದರ್ಶನ ನೀಡಿದರೆ, ಬಿಜೆಪಿಯ ಏಳು ಸ್ಥಾನಗಳಿಗೆ ತೃಪ್ತಿಪಟ್ಟಿದೆ.ಶಿವಸೇನೆ ಪಾಲ್ಘರ್ ನ್ನು18 ಸ್ಥಾನಗಳೊಂದಿಗೆ ಕಸಿದುಕೊಂಡಿದೆ. ಆದರೆ, ಬಿಜೆಪಿ 39 ಸ್ಥಾನಗಳೊಂದಿಗೆ ಧುಲೆಯಲ್ಲಿ ಪ್ರಾಬಲ್ಯ ಗಳಿಸಿದೆ ಮತ್ತು ನಂದೂರ್ಬಾರ್ನಲ್ಲಿ ಕಾಂಗ್ರೆಸ್ ಜೊತೆಗೆ ನೇರ ನೇರ ಹೋರಾಟವಿತ್ತು (ಎರಡೂ 23 ಸ್ಥಾನಗಳಿಸಿವೆ).
ಮಾಜಿ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಅಕ್ಟೋಬರ್ ವಿಧಾನಸಭಾ ಚುನಾವಣೆಯಲ್ಲಿ ಪಕ್ಷದ ಸೋಲಿನಿಂದ ಪಾರಾಗಲು ಜಿಲ್ಲಾ ಮಟ್ಟದ ಚುನಾವಣೆಯಲ್ಲಿ ಭಾರಿ ಪ್ರಚಾರ ಮಾಡಿದ್ದರು, ಆದರೆ ಈಗ ಚುನಾವಣಾ ಫಲಿತಾಂಶಗಳು ಬಿಜೆಪಿಗೆ ದೊಡ್ಡ ಹಿನ್ನಡೆಯಾಗಿದೆ.
ನಾಗ್ಪುರ ಜಿಲ್ಲೆಯ ಕೇಂದ್ರ ಸಚಿವ ನಿತಿನ್ ಗಡ್ಕರಿ ಅವರ ಸ್ಥಳೀಯ ಹಳ್ಳಿಯಾದ ಧಪೇವಾಡಾವನ್ನು ಬಿಜೆಪಿ ಸೋಲನ್ನು ಅನುಭವಿಸಿದೆ. ಕಾಂಗ್ರೆಸ್ ಅಭ್ಯರ್ಥಿ ಮಹೇಂದ್ರ ಡೊಂಗ್ರೆ ತಮ್ಮ ಪ್ರತಿಸ್ಪರ್ಧಿ ಮಾರುತಿ ಸೋಮಕುವಾರ್ ಅವರನ್ನು ಸುಮಾರು 4,000 ಸ್ಥಾನಗಳ ಅಂತರದಿಂದ ಸೋಲಿಸಿದರು.
