ವಧುವಿನ ಬೆನ್ನೇರಿದ ವರ..!

ಆಷಾಢ ಮಾಸಕ್ಕೆ ಇನ್ನೂ ಒಂದು ತಿಂಗಳು ಕಾಲವಿದ್ದು, ಜೂನ್ ತಿಂಗಳ ಮುದುವೆ ವೈಭವ ಮುಂದುವರೆದಿದೆ. ಮುದ್ದು ಮಂಗಳಗೌರಿಯರ ಮದುವೆ ಶ್ರಿಂಗಾರಕ್ಕೆ ಮತ್ತಷ್ಟು ಗ್ಲಾಮರಸ್ ಲುಕ್ ನೀಡುತ್ತಿದೆ ಬ್ರೈಡಲ್ ಡಿಸೈನರ್ ಬ್ಲೌಸ್ ಗಳು.ಹಿಂದೆಲ್ಲಾ ಗಂಡನ  ಹೆಸರನ್ನೇಳಲು ವಧು ನಾಚುತ್ತಿದ್ದ ಕಾಲ ಒಂದಿತ್ತು. ಕಾಲ ಬದಲಾದಂತೆ , ಆಚಾರ-ವಿಚಾರಗಳೂ ಬದಲಾಗುತ್ತಿದೆ. ವಧುವಿನ ಅಂಗೈ ಮದರಂಗಿಯಲ್ಲಿ ಅರಳುತ್ತಿದ್ದ ಮದುಮಗನ ಹೆಸರು, ಫ್ಯಾಷನ್ ಗೋಲ ತಿರುಗುತ್ತಿದ್ದಂತೆಯೇ, ವಧುವಿನ ಬೆನ್ನೇರಿದೆ.

ಫ್ಯಾಷನ್ ಲೋಕವೇ ಹಾಗೆ, ದಿನಕ್ಕೊಂದು ಹೊಸಾ ಟ್ರೆಂಡ್ ಸೃಷ್ಟಿ ಆಗುತ್ತದೆ. ಸದ್ಯ ವಧುವಿನ ರವಿಕೆಯ ಬೆನ್ನೇರಿದೆ ವರ ಮಹಾಶಯರು ನಾಮಧೇಯ! ವಧು-ವರರ ಹೆಸರು ಗಳನ್ನು ರವಿಕೆಯ ಬೆನ್ನಿಗೆ ಕಸೂತಿ ಮಾಡಲಾಗುತ್ತದೆ.  ನಾನು ಇಂತಹವರು ವಧು ಎಂಬ ಉಲ್ಲೇಖವಿರುವ ಡಿಸೈನರ್ ಬ್ರೈಡಲ್ ರವಿಕೆಗಳು ಮದುವೆ ಅಂಗಳದಲ್ಲಿ ಭಾರೀ ಸದ್ದು ಮಾಡುತ್ತಿದ್ದು, ಈ ರೀತಿಯ ರವಿಕೆಗೆ ಭಾರೀ ಬೇಡಿಕೆ ವ್ಯಕ್ತವಾಗಿದೆ.

ಕೇವಲ ಹೆಸರಿಗೆ ಮಾತ್ರ ಸೀಮಿತವಾಗಿರದೆ ಈ ಟ್ರೆಂಡ್, ” ಟು ಬಿ ಬ್ರೈಡ್”, “ದುಲ್ಹನಿಯಾ”, ಪದಗಳ ಎಂಬ್ರಾಯ್ಡರಿ ರವಿಕೆ ಮತ್ತು ಜಾಕೆಟ್ ಗಳು ವಧುವಿನ ವಾರ್ಡ್ರೋಬ್ ಸೇರಿದೆ.

ನಿಮಗೂ ಈ ಹೊಸ ಟ್ರೆಂಡ್ ಇಷ್ಟ ವಾದಲ್ಲಿ, ನಿಮ್ಮ ರವಿಕೆಯ ಮೇಲೆ, ನಿಮ್ಮ ಶ್ರೀಮಾನ್ ಹೆಸರು ರಾರಾಜಿಸಲಿ.

–ಫ್ಯಾಷನಿಸ್ತಾ
ಫ್ಯಾಷನ್ ಜರ್ನಲಿಸ್ಟ್

ಸುದ್ದಿದಿನ.ಕಾಂ|ವಾಟ್ಸಾಪ್|9980346243