ದಿನದ ಸುದ್ದಿ
ಪಾಕಿಸ್ತಾನಕ್ಕೆ ಹೋಗಿ ಬಿರಿಯಾನಿ ತಿಂದು ಬಂದ ನಿಮ್ಮನ್ನ ನಂಬೋದು ಹೇಗೆ ? : ಮೋದಿ ವಿರುದ್ಧ ರಮ್ಯ ಕಿಡಿ
ಸುದ್ದಿದಿನ ಡೆಸ್ಕ್ : ಪ್ರಧಾನಿ ಮೋದಿಯವರೆ ಪಾಕಿಸ್ತಾನಕ್ಕೆ ಹೋಗಿ ಅಲ್ಲಿ ಬಿರಿಯಾನಿ ತಿಂದು ಬಂದವರು ನೀವು. ನಾವು ನಿಮ್ಮನ್ನ ನಂಬುವುದಾದರೂ ಹೇಗೆ ಎಂದು ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ವಿಭಾಗದ ಮುಖ್ಯಸ್ಥೆ ರಮ್ಯಾ ಟ್ವೀಟ್ ಮಾಡುವುದರ ಮೂಲಕ ಪ್ರಶ್ನಿಸಿದ್ದಾರೆ.
ಪ್ರಧಾನಿ ಮೋದಿಯವರ ಟ್ವಿಟರ್ ಖಾತೆಯಲ್ಲಿ ಮೋದಿ ಭಾಷಣದ ವಿಡಿಯೋ ತುಣುಕೊಂದನ್ನು ಅಪ್ ಲೋಡ್ ಮಾಡಲಾಗಿದೆ. ಅದರಲ್ಲಿ ” ಈ ಹಿಂದೆ ಇದ್ದ ಸರ್ಕಾರವು ಉಗ್ರರ ಬಗ್ಗೆ ಯಾವುದೆದ ಕ್ರಮಗಳನ್ನು ಜರುಗಿಸಿಲ್ಲ. ಆದರೆ ನಾವು, ನಮ್ಮ ಸರ್ಕಾರವು ಉಗ್ರರ ವಿರುದ್ಧ ಕಠಿಣವಾದ ಕ್ರಮವನ್ನು ಜರುಗಿಸಿದ್ದೇವೆ. ಇದು ಹೊಸ ಭಾರತ” ಎಂದು ಭಾಷಣ ಮಾಡಿರುವ ತುಣುಕಾಗಿದೆ.
ಮೋದಿಯವರ ಭಾಷಣದ ವಿಡಿಯೋ ತುಣಿಕಿನ ಟ್ವೀಟ್ ಗೆ ರಮ್ಯಾ ಅವರು ” ನೀವು 2014 ರಲ್ಲಿ ಹೀಗೇ ಹೇಳಿ ತದನಂತರ ಪಾಕಿಸ್ತಾನಕ್ಕೆ ಹೋಗಿ ಆಗಿನ ಪ್ರಧಾನಿ ನವಾಜ್ ಷರೀಫ್ ರೊಂದಿಗೆ ಬಿರಿಯಾನಿ ತಿಂದು ಬಂದಿರಿ. ಹಾಗಾಗಿ ನಾವು ಇಂತಹ ಸಮಯದಲ್ಲಿ ನಿಮ್ಮನ್ನು ನಂಬುವುದು ಹೇಗೆ? ನೋಟು ನಿಷೇಧ ಮಾಡಿದ್ದರಿಂದ ಭಯೋತ್ಪಾದನೆ ನಿಲ್ಲುತ್ತದೆಂದು ಹೇಳಿದಿರಿ, ಆದರೆ ಅದ್ಯಾವುದೂ ಕಾರ್ಯರೂಪಕ್ಕೆ ಬರಲಿಲ್ಲ. ಹಾಗಾದರೆ ನನ್ನ ಪ್ರಕಾರ ಸ್ಟ್ರೈಕ್ ಎಲ್ಲರನ್ನೂ ಹತ್ಯೆ ಮಾಡಿರಬಹುದಲ್ಲವೇ ಎಂದು ರಮ್ಯಾ ಮರು ಟ್ವೀಟ್ ಮಾಡಿ ಮೋದಿ ವಿರುದ್ಧ ಕಿಡಿಕಾರಿದ್ದಾರೆ.
ರಮ್ಯಾ ಟ್ವೀಟ್
2014 you said the same thing & post your election you went to Pak hugged Nawaz Sharief had biryani & came back. Why should we believe you this time around? You also said Demonetisation was going to stop terrorism, it didn’t- also the strike killed them all I thought, no? 🤔🤥 https://t.co/B6P5mMFxvC
— Divya Spandana/Ramya (@divyaspandana) March 4, 2019
ಹಾಗೇ ರಮ್ಯ ಅವರು ‘ ಮೋದಿಯವರ ಫೋಟೋವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಾಕಿ ” ವಯಸ್ಸು ಪರಿಪಕ್ವತೆಯನ್ನ ವ್ಯಾಖ್ಯಾನಿಸುವುದಿಲ್ಲ’ ಎಂದು ಬರೆದುಕೊಂಡಿದ್ದಾರೆ.
Age doesn’t define maturity- pic.twitter.com/928BwmrsSN
— Divya Spandana/Ramya (@divyaspandana) March 4, 2019
ಸುದ್ದಿದಿನ.ಕಾಂ|ವಾಟ್ಸಾಪ್|9986715401
