ಲೈಫ್ ಸ್ಟೈಲ್
ಭಾರತದ ‘ಜೀವವೈವಿಧ್ಯ ಹಾಟ್ಸ್ಪಾಟ್’ ಗಳ ಬಗ್ಗೆ ನಿಮಗಿಷ್ಟು ತಿಳಿದಿರಲಿ : ಮಿಸ್ ಮಾಡ್ದೆ ಓದಿ..!
- ವೈಶಾಲಿ ದುರ್ಗಪ್ಪ
ಜೀವ ವೈವಿಧ್ಯವು ಸಸ್ಯ ಮತ್ತು ಪ್ರಾಣಿಗಳಿಂದ ಕೂಡಿರುವ ಒಂದು ಬೃಹತ್ ಆವರಣವೇ ಆಗಿದೆ.
ಈ ‘ಜೀವವೈವಿಧ್ಯ ಹಾಟ್ಸ್ಪಾಟ್’ ಒಂದು ಸಮೃದ್ಧ ಸಸ್ಯ ಸಂಪತ್ತು ಹಾಗೂ ಪ್ರಾಣಿಸಂಕುಲವನ್ನು ಹೊಂದಿದ್ದು ಅಳಿವಿನಂಚಿನಲ್ಲಿರುವ ಜೀವವೈವಿಧ್ಯದ ಪ್ರದೇಶವಾಗಿದೆ. ಮನುಷ್ಯ ತನ್ನ ಅಸ್ಮಿತೆಯನ್ನು ಉಳಿಸಿಕೊಳ್ಳಲು ಇದರ ಮೇಲೆ ನಿರಂತರವಾಗಿ ಗಮನ ಹರಿಸುವುದರ ಮೂಲಕ ಸಂರಕ್ಷಣೆ ಮಾಡಬೇಕಾಗಿರುವ ಪ್ರದೇಶವಾಗಿದೆ.
ಹಾಟ್ಸ್ಪಾಟ್ ಗಳನ್ನು ಗುರುತಿಸುವ ಪರಿಕಲ್ಪನೆಯನ್ನು ನಾರ್ಮನ್ ಮೇಯರ್ ಸಾವಿರ 1988 ರಲ್ಲಿ ಮಂಡಿಸಿದರು. ಇಂದಿಗೆ ಒಟ್ಟು 35 ಜೀವವೈವಿಧ್ಯ ಹಾಟ್ಸ್ಪಾಟ್ ಗಳನ್ನು ಪ್ರಪಂಚದಾದ್ಯಂತ ಗುರುತಿಸಲಾಗಿದೆ. ಅವುಗಳಲ್ಲಿ ಹೆಚ್ಚಿನವು ಉಷ್ಣವಲಯದ ಕಾಡುಗಳಲ್ಲಿವೆ.
ಭೂಮಿಯ ಮೇಲ್ಮೈಯು ಸುಮಾರು 2.3% ರಷ್ಟು ಈ ಹಾಟ್ಸ್ಪಾಟ್ ಗಳಿಂದ ಆವೃತವಾಗಿದೆ. ಇದರಲ್ಲಿ ಸುಮಾರು 50% ಸಸ್ಯ ಪ್ರಭೇದ ಹಾಗೂ 42% ಕಶೇರುಕ ಗಳನ್ನು ಒಳಗೊಂಡಿದೆ ಆದರೆ ಅತ್ಯಂತ ದುಃಖಕರ ಸಂಗತಿ ಎಂದರೆ ಈ ಜೀವವೈವಿಧ್ಯ ಹಾಟ್ಸ್ಪಾಟನ ಶೇ 86%ರಷ್ಟು ಭಾಗ ಆವಾಸಸ್ಥಾನ ಈಗಾಗಲೇ ಕಳೆದುಕೊಂಡಿದ್ದೇವೆ. ಇದಕ್ಕೆ ಮುಖ್ಯ ಕಾರಣ ಹವಾಮಾನ ಬದಲಾವಣೆ ಹಾಗೂ ಮುಖ್ಯವಾಗಿ ಮನುಷ್ಯನ ದುರ್ಬಳಕೆ ಎಂದರೆ ತಪ್ಪಾಗಲಾರದು.
ಒಂದು ಪ್ರದೇಶವನ್ನು ಹಾಟ್ಸ್ಪಾಟ್ ಎಂದು ಘೋಷಿಸಲು ಕೆಲವು ಮಾನದಂಡಗಳನ್ನು ಹೊಂದಿರ ಬೇಕು. ಜೀವವೈವಿದ್ಯವು ಕನಿಷ್ಠ 1500 ಜಾತಿಯ ನಾಳೀಯ ಸಸ್ಯಗಳು(vascular plants) ಗಳನ್ನು ಒಳಗೊಂಡಿರಬೇಕು.
ಭಾರತವು ತನ್ನ ಜೀವವೈವಿಧ್ಯದ ಶ್ರೀಮಂತಿಕೆ ಇಂದಾಗಿ, ವಿಶ್ವ ರಾಷ್ಟ್ರಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದೆ. ಇದನ್ನು ಭೂಮಿಯ ಜನಸಂಖ್ಯಾ ಶಾಸ್ತ್ರದಲ್ಲಿ ಕಾಣಬಹುದು. ಜೀವವೈವಿಧ್ಯದತೆ, ಜನಸಂಖ್ಯಾ ಶಾಸ್ತ್ರವು ಎರಡು ವಿಭಿನ್ನ ವಿಷಯಗಳಾಗಿದ್ದರೂ, ಮಾನವ ಜನಸಮೂಹವು ಜೀವವೈವಿಧ್ಯದತೆಯ ಮೇಲೆ ಹಲವಾರು ವಿಷಯಗಳಲ್ಲಿ ಅವಲಂಬಿತವಾಗಿದೆ. ಆದರೆ ಏರುಗತಿಯಲ್ಲಿ ಸಾಗುತ್ತಿರುವ ಜನಸಂಖ್ಯಾ ಸ್ಫೋಟವು ವನ್ಯ ಸಂಪತ್ತಿನ ಮೇಲೆ ಒತ್ತಡವನ್ನು ಹೇರುತ್ತಿದೆ.
ಭಾರತವು ಈಗಾಗಲೇ ತಿಳಿಸಿರುವಂತೆ, ಜೀವವೈವಿಧ್ಯದತೆಯಲ್ಲಿ, ಅತ್ಯಂತ ಸಂಪದ್ಭರಿತ ಹಾಗೂ ಶ್ರೀಮಂತ ರಾಷ್ಟ್ರವಾಗಿದ್ದು, ದೇಶವು ಇಂಡೋ-ಮಲಯ ಪರಿಸರ ವಲಯದಲ್ಲಿದೆ. ವಿಶ್ವದ ಒಟ್ಟು 35 ಹಾಟ್ ಸ್ಪಾಟ್ ಗಳಲ್ಲಿ, ಎರಡು ಭಾರತದಲ್ಲಿದೆ. ಇಂಡೋ-ಬರ್ಮಾ ವಲಯವು ಭಾಗಶಃ ಈಶಾನ್ಯ ಭಾಗದಲ್ಲಿದೆ.
ಭಾರತದಲ್ಲಿ ಅಂದಾಜು 350 ಸಸ್ತನಿ ಪ್ರಭೇದಗಳು (ವಿಶ್ವದ 7.6%ರಷ್ಟು)1224 ಪಕ್ಷಿ ಪ್ರಭೇದಗಳು (ವಿಶ್ವದ2.6%ರಷ್ಟು) 197 ಉಭಯಚರ ಪ್ರಭೇದಗಳು(ವಿಶ್ವದ 4.4%ರಷ್ಟು) 408 ಸರೀಸೃಪ ಪ್ರಭೇದಗಳು (ವಿಶ್ವದ 6.2%ರಷ್ಟು) 2546ಮೀನಿನ ಪ್ರಭೇದಗಳು (ವಿಶ್ವದ 11.7%ರಷ್ಟು) 15000ಹೂಬಿಡುವ ಸಸ್ಯ ಪ್ರಭೇದಗಳು (ವಿಶ್ವದ 6% ರಷ್ಟು) ಕಾಣಸಿಗುತ್ತವೆ.
ವೈಶಾಲಿ ದುರ್ಗಪ್ಪ
ಇತಿಹಾಸ
ಭಾರತವು ಮೂಲತಃ ಗೊಂಡ್ವಾನ ಭೂಭಾಗಕ್ಕೆ ಸೇರಿದ್ದು, ಇಲ್ಲಿಂದಲೇ ಅನೇಕ ಜೀವಿಗಳ ಉಗಮವಾಗಿದೆ,, ಭಾರತ ಪರ್ಯಾಯ ದ್ವೀಪವು ಲಾರೇಷಿಯನ್ ಭೂಖಂಡದೋಂದಿಗಿನ ಘರ್ಷಣೆ ಇಂದಾಗಿ ಬಹಳಷ್ಟು ಜೀವರಾಶಿ ಅದಲು-ಬದಲಾದವು… ಇದಲ್ಲದೆ, ಜ್ವಾಲಾಮುಖಿ ಸ್ಫೋಟ ಹಾಗೂ 20ಮಿಲಿಯನ್ ವರ್ಷಗಳ ಹವಾಮಾನ ಬದಲಾವಣೆ ಇಂದಾಗಿ ಜೀವವೈವಿಧ್ಯದ ವಿಕಾಸಕ್ಕೆ ಕಾರಣ ಆಗಿದೆ., ನಂತರದ ದಿನಗಳಲ್ಲಿ ಏಷಿಯಾದ ಸಸ್ತನಿಗಳು ಭಾರತಕ್ಕೆ ಹಿಮಾಲಯದ ಮೂಲಕ ಆಗಮಿಸಿದವು. ಇದರ ಪರಿಣಾಮದಿಂದಾಗಿ ಭಾರತದ ಜೀವ ಪ್ರಭೇದಗಳಲ್ಲಿ 12.6%ಸಸ್ತನಿಗಳು ಮತ್ತು 4.5% ಪಕ್ಷಿಗಳು ಹಾಗೂ 4.5%ಸರಿಸೃಪಗಳು ಮತ್ತು 55.8% ಉಭಯಚರಗಳು ಸ್ಥಾನಿಕವಾಗಿವೆ.
ಭಾರತದಲ್ಲಿ ಒಟ್ಟು ನಾಲ್ಕು ಜೀವವೈವಿಧ್ಯ ಹಾಟ್ಸ್ಪಾಟ್ ಗಳನ್ನು ಕಾಣಬಹುದು
1. ಪಶ್ಚಿಮಘಟ್ಟಗಳು
ಭಾರತ ಪರ್ಯಾಯ ದ್ವೀಪದ ದಕ್ಷಿಣ ಭಾಗದ ಪಶ್ಚಿಮದಲ್ಲಿ ಈ ಬೆಟ್ಟದ ಸಾಲುಗಳು ಕಾಣಸಿಗುತ್ತವೆ. ಸಮುದ್ರ ತೀರಕ್ಕೆ ಹೊಂದಿಕೊಂಡಿರುವುದರಿಂದ ಹೆಚ್ಚು ಉಷ್ಣಾಂಶ ಹಾಗೂ ಹೆಚ್ಚು ಮಳೆ ಬೀಳುವ ಪ್ರದೇಶವಾಗಿದೆ. ಘಟ್ಟಗಳು ನಿತ್ಯಹರಿದ್ವರ್ಣ ಹಾಗೂ ಎಲೆ ಉದುರುವ ಕಾಡುಗಳಿಂದ ಆವರಿಸಲ್ಪಟ್ಟಿದೆ.
ಇಲ್ಲಿ ಕಂಡುಬರುವ ಸುಮಾರು 77%ರಷ್ಟು ಉಭಯಚರಗಳು ಹಾಗೂ 62%ರಷ್ಟು ಸರಿಸೃಪಗಳು ವಿಶ್ವದ ಬೇರೆ ಯಾವುದೇ ಭಾಗದಲ್ಲೂ ಗೋಚರಿಸುವುದಿಲ್ಲ. ಸುಮಾರು 450 ಕಿಲೋಮೀಟರ್ ಅಗಲವಿರುವ ಭೂ ಸೇತುವೆಯ ಮೂಲಕ ಭಾರತದೊಂದಿಗೆ ಸಂಪರ್ಕ ಹೊಂದಿರುವ ಶ್ರೀಲಂಕಾದಲ್ಲಿಯೂ ಸಹ ಘಟ್ಟದಲ್ಲಿರುವಷ್ಟೇ ಸಸ್ಯ ಹಾಗೂ ಪ್ರಾಣಿಗಳನ್ನು ಕಾಣಬಹುದು.
ಪಶ್ಚಿಮಘಟ್ಟದಲ್ಲಿ ಅಂದಾಜು 6000ಕ್ಕೂ ಹೆಚ್ಚು ನಾಳೀಯ ಸಸ್ಯಗಳು (vascular plants) ಇವೆ. ಇವುಗಳಲ್ಲಿ 3000 ದಷ್ಟು ಸಸ್ಯಗಳು ಸ್ಥಳೀಯ (endemic) ಆಗಿವೆ ಪ್ರಪಂಚದ ಎಲ್ಲಾ ಮೂಲೆಯಲ್ಲಿ ಕಂಡುಬರುವ ಕರಿಮೆಣಸು, ಏಲಕ್ಕಿಯಂತಹ ಮಸಾಲೆ ಪದಾರ್ಥಗಳು,ಪಶ್ಚಿಮ ಘಟ್ಟದಲ್ಲಿ ಹುಟ್ಟಿಕೊಂಡಿದ್ದು ಎಂದು ನಂಬಲಾಗಿದೆಯಾದರೂ, ಹೆಚ್ಚಿನ ಪ್ರಭೇದಗಳು ದಕ್ಷಿಣ ಭಾಗದಲ್ಲಿರುವ ಅಗಸ್ತ್ಯಮಲೈ ಬೆಟ್ಟದಲ್ಲಿ ಹೆಚ್ಚಾಗಿ ಕಾಣಿಸುತ್ತದೆ.ಈ ಪ್ರದೇಶದಲ್ಲಿ ಸುಮಾರು 450 ಜಾತಿಯ ಪಕ್ಷಿಗಳು 140 ಸಸ್ತನಿಗಳು 260 ಸರಿಸೃಪಗಳು ಮತ್ತು 75 ಉಭಯಚರಗಳು ವಾಸಿಸುತ್ತವೆ.
ಇಂತಹ ಸಂಪದ್ಭರಿತ ಜೀವವೈವಿಧ್ಯ ವು ಇಂದು ಅಳಿವಿನಂಚಿಗೆ ಸರಿಯುತ್ತಿರುವುದು ವಿಷಾದನೀಯವಾಗಿದೆ ಈ ಪ್ರದೇಶದ ಸಸ್ಯ ವರ್ಗವು ಮೂಲತಃ 190000 ಚದರ ಕಿಲೋಮೀಟರ್ ನಷ್ಟು ವಿಶಾಲವಾಗಿ ಹರಡಿತ್ತು. ಆದರೆ ಇಂದು 43000 ಚದರ ಕಿಲೋಮೀಟರ್ ಗೆ ಇಳಿದಿದೆ. ಮೂಲ ಕಾಡಿನ ಶೇ1.5% ರಷ್ಟು ಮಾತ್ರ ಶ್ರೀಲಂಕಾದಲ್ಲಿ ಇನ್ನೂ ಚಾಲ್ತಿಯಲ್ಲಿದೆ.
2. ಹಿಮಾಲಯ
ಭೂತಾನ್ ಈಶಾನ್ಯ ಭಾರತ ನೇಪಾಳದ ದಕ್ಷಿಣ ಮಧ್ಯ ಹಾಗೂ ಪೂರ್ವ ಭಾಗವನ್ನು ಒಳಗೊಂಡಿದೆ. ಹಿಮಾಲಯ ಪರ್ವತ ಶ್ರೇಣಿಗಳಲ್ಲಿರುವ ಮೌಂಟ್ ಎವರೆಸ್ಟ್ ಹಾಗೂ k2 ಶ್ರೇಣಿಗಳು ಪ್ರಪಂಚದ ಎತ್ತರ ಶಿಖರಗಳಲ್ಲಿ ಮೊದಲ ಸ್ಥಾನದಲ್ಲಿವೆ. ಜಗತ್ತಿನ ಕೆಲವು ಮುಖ್ಯ ಜೀವನದಿಗಳು ಹಿಮಾಲಯದಲ್ಲಿ ಹುಟ್ಟಿ ಹರಿಯುತ್ತವೆ. ಹಿಮಾಲಯವು 7200 ಮೀಟರ್ ಗಿಂತ ಎತ್ತರದ 100ಕ್ಕೂ ಹೆಚ್ಚು ಪರ್ವತಗಳನ್ನು ಒಳಗೊಂಡಿದೆ.
ಈ ಪ್ರದೇಶದಲ್ಲಿ ಸುಮಾರು 163ಅಳಿವಿನಂಚಿನಲ್ಲಿರುವ ಪ್ರಭೇದಗಳಿವೆ, ಇದರಲ್ಲಿ ಒಂದು ಕೊಂಬಿನ ಖಡ್ಗಮೃಗ(one horn rhinoceros) ವೈಲ್ಡ್ ಏಷಿಯನ್ ವಾಟರ್ ಬಫಲೋ(wild asiatic Buffalo) ಮತ್ತು 45 ಜಾತಿಯ ಸಸ್ತನಿಗಳು, 50 ಜಾತಿಯ ಪಕ್ಷಿಗಳು, 12 ಉಭಯಚರಗಳು,36 ಸಸ್ಯ ಪ್ರಭೇದಗಳಿವೆ. ರಿಲಿಕ್ಟ್ ಡ್ರಾಗನ್ ಫ್ಲೈ ಹಾಗೂ ಹಿಮಾಲಯನ್ ನ್ಯೂಟ್ ಅಳಿವಿನಂಚಿನಲ್ಲಿರುವ ಮುಖ್ಯ ಪ್ರಭೇದಗಳಾಗಿವೆ.
ಹಿಮಾಲಯದಲ್ಲಿ 10000 ಜಾತಿಯ ಸಸ್ಯಗಳಿವೆ, ಅವುಗಳಲ್ಲಿ ಮೂರನೇ ಒಂದು ಭಾಗ ಸ್ಥಾನಿಕ (endemic) ಆಗಿವೆ.ಮತ್ತು ಜಗತ್ತಿನ ಯಾವ ಮೂಲೆಯಲ್ಲಿಯೂ ಕಾಣಲು ಸಾಧ್ಯವಿಲ್ಲ.ಚೀರ್ ಫೀಸೆಂಟ್(cheer pheasant) ವೆಸ್ಟರ್ನ್ ಟ್ರಾಗೋಪನ್(western tragopan) ಹಿಮಾಲಯನ್ ಕ್ವಿಲ್(himalayan quill)ಹಿಮಾಲಯನ್ ರಣಹದ್ದು(himalayan vulture) ವೈಟ್ ಬೆಲ್ಲೀಡ್ ಹೆರಾನ್(white bellied heran) ಮುಂತಾದವುಗಳು ಅಳಿವಿನಂಚಿನಲ್ಲಿರುವ ಪ್ರಭೇದಗಳಿಗೆ ಉದಾಹರಣೆ ಆಗಿವೆ.
3. ಇಂಡೋ-ಬರ್ಮಾ ಪ್ರದೇಶ
ಇದು ಭಾರತದ ಈಶಾನ್ಯ ಭಾಗ(ಬ್ರಹ್ಮಪುತ್ರ ನದಿಯ ದಕ್ಷಿಣ) ಮಯನ್ಮಾರ್, ಚೀನಾದ ಯುವಾನ್ ಪ್ರಾಂತ್ಯದ ದಕ್ಷಿಣ ಭಾಗ, ಲಾವೋ,ಪೀಪಲ್ಸ್ ಡೆಮಾಕ್ರಟಿಕ್ ರಿಪಬ್ಲಿಕ್ ಪ್ರಾಂತ್ಯ, ವಿಯೆಟ್ನಾಂ, ಕಾಂಬೋಡಿಯಾ, ಥೈಲ್ಯಾಂಡ್, ದೇಶದಲ್ಲಿ, 2ಮಿಲಿಯನ್ನಷ್ಟು ವಿಸ್ತಾರವಾದ ಪ್ರದೇಶದಲ್ಲಿ ಹರಡಿಕೊಂಡಿದೆ.
ಆದರೆ, ಕಳೆದ ಕೆಲವು ದಶಕಗಳಿಂದ ಇಂಡೋ-ಬರ್ಮಾ ವಲಯವು ಅತ್ಯಂತ ವೇಗವಾಗಿ ಕ್ಷೀಣಿಸುತ್ತಿದೆ..ಇತ್ತೀಚೆಗೆ ಈ ಪ್ರದೇಶದಲ್ಲಿ 6 ಜಾತಿಯ ಹೊಸ ಸಸ್ತನಿಗಳಾದ large-antlered muntjac,Annamite Muntjac gray-shanked douc,leaf deer, saola and Annamite striped rabbit ಕಂಡುಹಿಡಿಯಲಾಗಿದೆ ಕೋತಿಗಳು, ಲಂಗೂರ್ ಗಳು, ಗಿಬ್ಬನ್ ಗಳಂತಹ ನೂರಕ್ಕಿಂತ ಹೆಚ್ಚು ಪ್ರಭೇದಗಳನ್ನು ಇಲ್ಲಿ ಕಾಣಬಹುದು.
ಇಲ್ಲಿರುವ ಸಿಹಿನೀರಿನ ಆಮೆಗಳು (fresh water turtles)ಗಳು ಸ್ಥಳೀಯವಾಗಿ ವೆ (endemic) ವೈಟ್ ಇಯರ್ಡ್ಡ ನೈಟ್ ಹೆರಾನ್ ಗ್ರೇ ಕ್ರೌನ್ಡ್ ಕ್ರೊಸಿಯಸ್, ಆರೆಂಜ್ ನೆಕ್ಡ್,ಪ್ಯಾಟ್ರಿಡ್ಜ್ ಗಳಂತವು 13 ಸಾವಿರಕ್ಕೂ ಹೆಚ್ಚು ಪಕ್ಷಿ ಪ್ರಭೇದಗಳಿವೆ ಹೆಚ್ಚಿನವು ಈ ವಲಯಕ್ಕೆ ಸ್ಥಾನಿಕ ಪ್ರಭೇದಗಳಿವೆ 13500 ಕ್ಕಿಂತ ಹೆಚ್ಚಿನ ಸಸ್ಯ ಪ್ರಭೇದಗಳಲ್ಲಿ ಅರ್ಧದಷ್ಟು ಈ ವಲಯಕ್ಕೆ ಸ್ಥಾನಿಕ (endemic) ಆಗಿದೆ. ಇಲ್ಲದೆ ಜಗತ್ತಿನ ಯಾವ ಭಾಗದಲ್ಲಿಯೂ ನೋಡಲು ಸಿಗುವುದಿಲ್ಲ.
4. ಸುಂಡಾಲ್ಯಾಂಡ್
ಈ ಪ್ರದೇಶವು ಏಷ್ಯಾಖಂಡದ ಆಗ್ನೇಯ ಭಾಗದ ಥೈಲ್ಯಾಂಡ್ ಸಿಂಗಾಪುರ್ ಇಂಡೋನೇಷಿಯಾ ಮಲೇಶಿಯಾ ದೇಶದಲ್ಲಿ ಈ ಪ್ರದೇಶವು ಹರಡಿಕೊಂಡಿದೆ ಭಾರತದ ನಿಕೋಬಾರ್ ದ್ವೀಪ ಸಮೂಹವು ಸಹ ಇದೇ ವಲಯದಲ್ಲಿ ಗುರುತಿಸಿಕೊಂಡಿದೆ ವಿಶ್ವಸಂಸ್ಥೆಯು ನಿಕೋಬಾರ್ ದ್ವೀಪ ಸಮೂಹವನ್ನು 2013ರಲ್ಲಿ ವಿಶ್ವ ಜೀವಮಂಡಲ ಮೀಸಲು ಪ್ರದೇಶ (ವರ್ಲ್ಡ್ ಬಯೋಗ್ರಫಿ ರಿಸರ್ವ್) ಎಂದು ಘೋಷಣೆ ಮಾಡಿತು ಈ ದ್ವೀಪಗಳು ಭೂ ಪರಿಸರ ಹಾಗೂ ಜಲ ಪರಿಸರ ವ್ಯವಸ್ಥೆ ಎರಡನ್ನು ಹೊಂದಿದೆ.
ಮ್ಯಾಂಗ್ರೋವ್ಸ್, ಸೀಗ್ರಸ್ ಬೆಡ್, ಹವಳ ಹಣ್ಣೆಗಳು, ಇಲ್ಲಿನ ಪ್ರಮುಖ ಆಕರ್ಷಣೆ ಡಾಲ್ಫಿನ್ಗಳು ತಿಮಿಂಗಿಲಗಳು ಮೀನು ಮೊಸಳೆಗಳು ಆಮೆಗಳು(turtles) ಏಡಿ ಕಡಲ ನಳ್ಳಿಗಳು, ಸೀಶೆಲ್ಗಳು ಜಲ ಪರಿಸರ ವ್ಯವಸ್ಥೆಗೆ ಮುಖ್ಯ ಉದಾಹರಣೆಗಳಾಗಿವೆ ಇಂತಹ ಅಮೂಲ್ಯ ಕಡಲ ಸಂಪನ್ಮೂಲಗಳನ್ನು ಅತಿಯಾಗಿ ಬಳಸುವುದರಿಂದ ಪರಿಸರ ವ್ಯವಸ್ಥೆಗೆ ಹಾನಿಯಾಗುವ ಸಾಧ್ಯತೆ ಹೆಚ್ಚಾಗಿದೆ.
ಜೀವವೈವಿಧ್ಯ ಹಾಟ್ಸ್ಪಾಟ್ಗಳು ಕ್ಷೀಣಿಸಲು ಮುಖ್ಯ ಕಾರಣಗಳು
- ಅವಾಸಸ್ಥಾನದ ಹಾನಿ
- ಮಾಲಿನ್ಯ ಹಾಗೂ ಪರಿಸರ ಅವನತಿ
- ಪ್ರಾಣಿಗಳನ್ನು ಬೇಟೆಯಾಡುವುದು
- ಹವಾಮಾನ ಬದಲಾವಣೆ
ಪರಿಸರ ಸಂರಕ್ಷಣೆ ಯತ್ತ ಇತ್ತೀಚಿನ ದಿನಗಳಲ್ಲಿ ಇಕೋಟೂರಿಸಂ ಎಂಬ ಪರಿಕಲ್ಪನೆ ಒಂದು ಶುರುವಾಗಿದ್ದು, ಬಹಳ ಪರಿಣಾಮಕಾರಿ ಆಗಿದೆ., ಪ್ರವಾಸ ಮಾಡುವಾಗ ಪರಿಸರ ಸೂಕ್ಷ್ಮ ವಲಯಗಳನ್ನು ಭೇಟಿ ಮಾಡಿ, ವ್ಯಕ್ತಿ ಒಬ್ಬನು ಸಸ್ಯ ಹಾಗೂ ಪ್ರಾಣಿ ಸಂಪತ್ತನ್ನು ಹತ್ತಿರದಿಂದ ಕಾಣುವುದರಿಂದ, ವನ್ಯಜೀವಿಗಳ ಪ್ರಾಮುಖ್ಯತೆಯನ್ನು ತಾನೇ ಸ್ವತಃ ಅನುಭವಿಸುವನು.
ಒಬ್ಬರಿಂದ ಮತ್ತೊಬ್ಬರಿಗೆ ಪರಿಸರದ ಅರಿವು ಹೆಚ್ಚಾಗಿ, ಪ್ರತಿಯೊಬ್ಬರೂ ಪ್ರತ್ಯಕ್ಷವಾಗಿ ಅಥವಾ ಪರೋಕ್ಷವಾಗಿ ಪರಿಸರ ಸಂರಕ್ಷಣೆಯಲ್ಲಿ ತೊಡಗಿಕೊಳ್ಳಲು ಅನುಕೂಲವಾಗುವ ಉದ್ದೇಶದಿಂದ ಪ್ರವಾಸೋದ್ಯಮದಲ್ಲಿ ಇತ್ತೀಚೆಗೆ ಹೆಚ್ಚಿನ ಒತ್ತನ್ನು ನೀಡಲಾಗಿದೆ.
ಒಟ್ಟಾರೆಯಲ್ಲಿ ವನ್ಯ ಸಂಪತ್ತು ಸಂಪೂರ್ಣವಾಗಿ ನಾಶ ಹೊಂದಿ ಮಾನವ ವಿನಾಶದತ್ತ ಸಾಗುವ ಮುನ್ನವೇ,ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಂಡು ಸಂರಕ್ಷಣೆ ಮಾಡುವುದು ನಮ್ಮೆಲ್ಲರ ಹೊಣೆ ಆಗಿದೆ.
ಸುದ್ದಿದಿನ.ಕಾಂ|ವಾಟ್ಸಾಪ್|9980346243
