ಚನ್ನಗಿರಿ | ಮಹಿಳಾ ವಿ.ಆರ್.ಪಿ.ಗಳಿಗೆ ಎರಡು ದಿನದ ತರಬೇತಿ ಕಾರ್ಯಕ್ರಮ ಉದ್ಘಾಟನೆ

ಸುದ್ದಿದಿನ, ಚನ್ನಗಿರಿ : ಪಟ್ಟಣದ ತಾಲ್ಲೂಕು ಪಂಚಾಯಿತಿಯ ಸಭಾಂಗಣದಲ್ಲಿ ‘ಮಹಿಳಾ ವಿ.ಆರ್.ಪಿ.ಗಳಿಗೆ ಎರಡು ದಿನದ ತರಬೇತಿ ಕಾರ್ಯಕ್ರಮ’ ವನ್ನು‌ ಮಂಗಳವಾರ ಪ್ರಾರಂಭಿಸಲಾಯಿತು.

ಕಾರ್ಯಕ್ರಮಕ್ಕೆ ಶ್ರೀ ಈಶ್ವರ್ ಸಹಾಯಕ ನಿರ್ದೇಶಕರು(ಗ್ರಾ.ಉ) , ಶ್ರೀ ವಿಶ್ವನಾಥ್ (ನಿವೃತ್ತ ತಾಲ್ಲೂಕು ಸಂಯೋಜಕರು)ಕೊಟ್ರೇ. ತಾಲ್ಲೂಕು ಸಂಯೋಜಕರು ಸಾಮಾಜಿಕ ಪರಿಶೋಧನೆ, ಶ್ರೀ ವಿಜಯಕುಮಾರ್ ಎನ್.ಆರ್.ಎಲ್.ಎಂ. ಸಂಯೋಜಕರು, ಚನ್ನಗಿರಿ ತಾಲ್ಲೂಕು. ಹಾಗೂ ಹಿಂದಿನ ವಿ.ಆರ್.ಪಿ.ಗಳು ಶಿಭಿರಾರ್ಥಿಗಳಿಗೆ ತರಬೇತಿಯ ಕೈಪಿಡಿ, ಬುಕ್, ಪೆನ್ನು, ನರೇಗಾ ಯೋಜನೆಯ ಕರಪತ್ರಗಳು, ಪಾಕೇಟ್ ಕ್ಯಾಲೆಂಡರ್ ಗಳನ್ನು ನೀಡಲಾಯಿತು.
ಸದರಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಉದ್ಘಾಟನಾ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ನಡೆಸಲಾಯಿತು.

ಶ್ರೀ ಎಂ.ಆರ್.ಪ್ರಕಾಶ್ ಕಾರ್ಯನಿರ್ವಾಹಕ ಅಧಿಕಾರಿಗಳು ಗಿಡಕ್ಕೆ ನೀರು ಬಿಡುವುದರ ಮೂಲಕ ತರಬೇತಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ನಂತರ ಇ.ಒ.ರವರು ತರಬೇತಿಯ ಕುರಿತು ಇ.ಒ.ರವರು ಪ್ರಾಸ್ತಾವಿಕ ನುಡಿ ಮಾತನಾಡಿದರು. ಶ್ರೀ ಜಯಪ್ರಕಾಶ್. ಬಿ . ಜಿಲ್ಲಾ ಸಂಯೋಜಕರು, ಸಾಮಾಜಿಕ ಪರಿಶೋಧನೆ, ಜಿ.ಪಂ. ದಾವಣಗೆರೆ.ಇವರು ತರಬೇತಿಯ ಕುರಿತು ಸಂಪೂರ್ಣ ಮಾಹಿತಿಯನ್ನು ಶಿಭಿರಾರ್ಥಿಗಳಿಗೆ ತಿಳಿಸಿದರು.

ಗ್ರಾಮ ಸಂಪನ್ಮೂಲ ವ್ಯಕ್ತಿ

ಪ್ರತಿ ಗ್ರಾಮ ಪಂಚಾಯತಿಯಲ್ಲಿ ಒಂದು ಸ್ವಸಹಾಯ ಗುಂಪಿನಿಂದ ಒಬ್ಬ ಮಹಿಳೆಯನ್ನು ಆಯ್ಕೆ‌ಮಾಡಿ ಸಾಮಾಜಿಕ ಪರಿಶೋಧನಾ ವಿಭಾಗದಲ್ಲಿ ಗ್ರಾಮ ಸಂಪನ್ಮೂಲ ವ್ಯಕ್ತಿಗಳನ್ನಾಗಿ ಗುರುತಿಸಲಾಗಿದೆ. ಇವರುಗಳು ಆಯಾ ಗ್ರಾ.ಪಂ.ಗಳಲ್ಲಿ ಯೋಜನೆಗಳ ಕಾರ್ಯ ನಿರ್ವಹಣೆ ಮತ್ತು ಗುಣಮಟ್ಟದ ಕುರಿತು ಸಾಮಾಜಿಕ ಪರಿಶೋಧನೆ ನಡೆಸಲು ತರಬೇತಿಯನ್ನು ನೀಡಲು ರಾಜ್ಯ ಸರ್ಕಾರದ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಅದೇಶದಂತೆ, ಜಿಲ್ಲಾ ಪಂಚಾಯತ್ ದಾವಣಗೆರೆ ಹಾಗೂ ತಾಲ್ಲೂಕು ಪಂಚಾಯಿತಿ ಚನ್ನಗಿರಿ ಸಹಯೋಗದೊಂದಿಗೆ ತರಬೇತಿ ನಡೆಸಲಾಯಿತು. ಇಂದು ಪ್ರತಿ ತಾಲ್ಲೂಕಿನಲ್ಲಿ ಇದೇ ರೀತಿಯ ಕಾರ್ಯಕ್ರಮ ಆಯೋಜಿಸಲಾಗಿರುತ್ತೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243