ಶರವೇಗದಲ್ಲಿ ಕೊರೊನಾ ಸೋಂಕು ಏರಿಕೆ : ಟಾಪ್ 10 ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತ..!

ಸುದ್ದಿದಿನ,ನವದೆಹಲಿ: ದೇಶದಲ್ಲಿ ಕೊರೊನಾ ವೈರಸ್ ಅಟ್ಟಹಾಸ ಮೆರೆಯುತ್ತಿದೆ. ನೋಡ ನೋಡುತ್ತಿದ್ದಂತೆ ಸೋಂಕಿತರ ಪ್ರಮಾಣ ಗಣನೀಯ ಏರಿಕೆ ಕಾಣ್ತಿದೆ. ಸಣ್ಣದಾಗಿ ಶುರುವಾದ ಕೊರೊನಾ ಸೋಂಕು ಈಗ ಭಾರತವನ್ನ ವಿಶ್ವದ ಟಾಪ್ 10 ರಾಷ್ಟ್ರಗಳ ಪಟ್ಟಿಯಲ್ಲಿ ತಂದು ನಿಲ್ಲಿಸಿದೆ.

ಫೆಬ್ರವರಿ ಆರಂಭದಲ್ಲಿ ದೇಶದಲ್ಲಿ ಶುರುವಾದ ಕೊರೊನಾ ಸೋಂಕು ಈ ಪ್ರಮಾಣ ಹಾನಿ ಮಾಡಲಿದೆ ಎಂದು ಯಾರೂ ಊಹಿಸಿರಲಿಲ್ಲ. ನಾಲ್ಕು ತಿಂಗಳ ಅವಧಿಯಲ್ಲಿ ನೋಡ ನೋಡುತ್ತಿದ್ದಂತೆಯೇ ಕೊರೊನಾ ಲಕ್ಷದ ಗಡಿ ದಾಟಿ ಅಬ್ಬರಿಸುತ್ತಿದೆ. ಪ್ರತಿದಿನಕ್ಕೆ ಐದಾರು ಸಾವಿರ ಮಂದಿಯಲ್ಲಿ ಹೊಸದಾಗಿ ಸೋಂಕು ಕಾಣಿಸಿಕೊಳ್ತಿದೆ.

ಹೀಗೆ ದೇಶದಲ್ಲಿ ಹೆಚ್ಚಾಗ್ತಿರುವ ಸೋಂಕಿನ ಪ್ರಮಾಣ, ವಿಶ್ವದ ಕೊರೊನಾ ಪೀಡಿತ ದೇಶಗಳ ಪಟ್ಟಿಯಲ್ಲಿ ಭಾರತವೂ ಅಗ್ರಸ್ಥಾನ ಪಡೆಯುವತ್ತ ಹೊರಟಿದೆ. ಮೊನ್ನೆಯಷ್ಟೇ 82,974 ಪ್ರಕರಣಗಳು ಪತ್ತೆಯಾಗುವ ಮೂಲಕ ಚೀನಾ ದಾಖಲೆ ಮುರಿದಿದ್ದ ಭಾರತ ಒಂದೂವರೆ ಲಕ್ಷ ಮಂದಿಯಲ್ಲಿ ಸೋಂಕು ಸೇರಿ ಪೇರು ದೇಶದ ದಾಖಲೆ ಮುರಿದಿತ್ತು. ಸದ್ಯ ವಿಶ್ವದ ಟಾಪ್ 11 ಸ್ಥಾನದಲ್ಲಿರುವ ಭಾರತ ಇಂದು ಆರೋಗ್ಯ ಇಲಾಖೆಯ ಮಾಹಿತಿ ಬಿಡುಗಡೆ ಬಳಿಕ ವಿಶ್ವದ ಟಾಪ್ ಟೆನ್ ಕೊರೊನಾ ಪೀಡಿತ ರಾಷ್ಟ್ರಗಳ ಪಟ್ಟಿ ಸೇರುವುದು ಖಚಿತವಾಗಿದೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243