ಪ್ರತಿದಿನ ಮಾಡುವ ಅಡುಗೆ ಬೇಸರವಾಗಿದೆಯಾ ? ಈ ಹೊಸ ರುಚಿ ಮಾಡಿ ನೋಡಿ : ದಾಲ್ ಮಖಾನಿ

‘ದಾಲ್ ಮಖಾನಿ‘ ಮಾಡಲು ಬೇಕಾಗುವ ಪದಾರ್ಥಗಳು

• ಉದ್ದಿನ ಕಾಳು -1/2 ಕಪ್
• ರಾಜ್ ಮಾ- ¼ ಕಪ್
• ಬಿಳಿ ಉದ್ದು – 1 ಟೇಬಲ್ ಸ್ಪೂನ್
• ಕಡಲೆ ಬೇಳೆ- 1 ಟೇಬಲ್ ಸ್ಪೂನ್
• ಈರುಳ್ಳಿ- 2 (ಸಣ್ಣಗೆ ಹೆಚ್ಚಿರಿ)
• ಟೊಮ್ಯಾಟೊ- 3
• ಹಸಿಶುಂಠಿ- ½” ತುಂಡು
• ಬೆಣ್ಣೆ-2 ಟೇಬಲ್ ಸ್ಪೂನ್
• ಅರಿಸಿನಪುಡಿ – ¼ ಟೀ ಸ್ಪೂನ್
• ಮೆಣಸಿನಪಡಿ- ½ ಟೀ ಸ್ಪೂನ್
• ಜೀರಿಗೆ-1/2 ಟೀ ಸ್ಪೂನ್
• ಉಪ್ಪು – ರುಚಿಗೆ ತಕ್ಕಷ್ಟು
• ಧನಿಯಾ- ½ ಟೀ ಸ್ಪೂನ್
• ಎಣ್ಣೆ-1 ಟೇಬಲ್ ಸ್ಪೂನ್
• ಗರಂಮಸಾಲೆ ಪುಡಿ -1/2 ಟೀ ಸ್ಪೂನ್

ಮಾಡುವ ವಿಧಾನ

1. ಎಲ್ಲಾ ಬೇಳೆಗಳನ್ನೂ ಬಿಡಿ ಬಿಡಿಯಾಗಿ ನೀರಿನಲ್ಲಿ ತೊಳೆದು 4 ರಿಂದ 6 ಗಂಟೆವರೆಗೆ ನೆನೆಸಿರಿ.
2. ಅದೇ ನೀರಿನಲ್ಲಿ ರಾಜ್ ಮಾ ಅನ್ನು ಒಂದು ವಿಷಲ್ ಬರುವವರೆಗೆ ಹಬೆಯಲ್ಲಿ ಬೇಯಿಸಿ.
3. ಇದನ್ನು ತಣ್ಣಗಾಗಿಸಿ , ಮುಚ್ಚಳವನ್ನು ತೆಗೆದು, ನಂತರ ಎಲ್ಲಾ ಬಗೆಯ ಬೇಳೆಗಳನ್ನೂ, ಹೆಚ್ಚಿದ ಹಸಿಶುಂಠಿ, ಹಸಿರು ಮೆಣಸಿನಕಾಯಿ, ಸ್ವಲ್ಪ ಎಣ್ಣೆಯನ್ನು ಇದಕ್ಕೆ ಸೇರಿಸಿ.
4. ಅಗತ್ಯವಾದರೆ ಸ್ವಲ್ಪ ಅಧಿಕ ನೀರನ್ನು ಸೇರಿಸಿ, ಮತ್ತೆ ಒಂದು ವಿಷಲ್ ಬರುವ ವರೆಗೆ ಮತ್ತೆ ಬೇಯಿಸಿ.
5. ಈ ನಡುವೆ, ಸ್ವಲ್ಪ ಎಣ್ಣೆಯನ್ನು ಬಿಸಿ ಮಾಡಿ, ಅದಕ್ಕೆ ಜೀರಿಗೆ, ಹಚ್ಚಿದ ಈರುಳ್ಳಿ ಸೇರಿಸಿ ಬಣ್ಣ ಬರುವವರೆಗೂ ಹುರಿದು, ನಂತರ ಟೊಮ್ಯಾಟೊ ಸೇರಿಸಿ.
6. ಇದನ್ನು ಗೊಜ್ಜಿನಂತಾಗುವ ವರೆಗೆ ಕಲಕಿ, ನಂತರ ಮೆಣಸಿನ ಪುಡಿ, ಅರಿಸಿನಪುಡಿ ಸೇರಿಸಿ ಒಲೆಯಿಂದ ಇಳಿಸಿ.
7. ಇದನ್ನು ಉಪ್ಪಿನ ಜೊತೆ ಬೆಂದ ಬೆಳೆಗಳಿಗೆ ಸೇರಿಸಿ, ಮೃದುವಾಗಿ ಕಲಕಿರಿ.
8. ಹಸಿ ಅಂಶ ಹೋಗುವವರೆಗೆ ಇದನ್ನು ಸಣ್ಣ ಉರಿಯ ಮೇಲೆ ಬೇಯಿಸಿ. ಅಗತ್ಯವಾದರೆ ಇದನ್ನು ಸ್ವಲ್ಪವಾಗಿ ಜಜ್ಜಿರಿ.
9. ಒಲೆಯಿಂದ ಇಳಿಸಿ, ಹೆಚ್ಚಿದ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.
10. ಬೆಣ್ಣೆಯನ್ನು ಕರಗುವವರೆಗೆ ಬಿಸಿಮಾಡಿ, ಗರಂಮಸಾಲೆ ಪುಡಿ ಸೇರಿಸಿ ನಂತರ ಅದನ್ನು ಬೇಳೆಯ ಮೇಲೆ ಸುರಿಯಿರಿ.
11. ಮೃದುವಾಗಿ ಬರೆಸಿ, ಚಪಾತಿ ಅಥವಾ ರೊಟ್ಟಿಗಳೊಂದಿಗೆ ಬಡಿಸಿರಿ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243