ದಿನದ ಸುದ್ದಿ
ತುಂಬಿದ ಭದ್ರಾ: ಅಚ್ಚುಕಟ್ಟು ಪ್ರದೇಶಕ್ಕೆ ನೀರು ಹರಿಸಲು ಪ್ರಸ್ತಾವನೆ
ಸುದ್ದಿದಿನ ಡೆಸ್ಕ್: ಶಿವಮೊಗ್ಗ ಜಿಲ್ಲೆಯ ಭದ್ರಾ ಜಲಾಶಯ ತುಂಬಿದ್ದು, ಅಚ್ಚುಕಟ್ಟು ಪ್ರದೇಶದ ಜಮೀನುಗಳಿಗೆ ನೀರು ಹರಿಸಲು ಪ್ರಸ್ತಾವನೆ ಸಲ್ಲಿಸಲಾಗಿದೆ.
ಈ ಕುರಿತು ಭದ್ರಾ ಯೋಜನೆ ಸಲಹೆ ಸಮಿತಿ ಸಹ ಕಾರ್ಯದರ್ಶಿ ಪ್ರಸ್ತಾವನೆ ಸಲ್ಲಿಸಿದ್ದಾರೆ.
ಭದ್ರಾ ಅಚ್ಚುಕಟ್ಟು ಪ್ರದೇಶಕ್ಕೆ ಮುಂಗಾರು ಹಂಗಾಮಿ ನೀರು ಹರಿಸುವ ಸಂಬಂಧಿಸಿದಂತೆ ತಾತ್ಕಾಲಿಕ ವೇಳಾಪಟ್ಟಿ ತಯಾರಿಸಿ ಸರ್ಕಾರದ ಅನುಮತಿ ಕೋರಿದ್ದಾರೆ.
ಈ ಕುರಿತು ಭದ್ರಾ ಯೋಜನೆ ಸಲಹೆ ಸಮಿತಿ ಸಭೆಯಲ್ಲಿ ಚರ್ಚಿಸಿದ್ದು, ಅಚ್ಚುಕಟ್ಟು ಪ್ರದೇಶದ ರೈತರ ಅನುಕೂಲಕ್ಕೆ ನೀರು ಹರಿಸುವುದು ಸೂಕ್ತ ಎಂಬ ನಿರ್ಣಯ ವ್ಯಕ್ತವಾಗಿದೆ. ಅದರಂತೆ ಅನುಮತಿ ನೀಡಬೇಕು ಎಂದು ಭದ್ರಾ ಯೋಜನೆ ಸಲಹೆ ಸಮಿತಿ ಸಹ ಕಾರ್ಯದರ್ಶಿ ಕೋರಿದ್ದಾರೆ.
ಸರ್ಕಾರಕ್ಕೆ ಸಲ್ಲಿಸಿರುವ ಪ್ರಸ್ತಾವನೆ

