ದಿನದ ಸುದ್ದಿ
ತುಂಬಿದ ಯಮುನಾ ನದಿ: ದೆಹಲಿಯಲ್ಲಿ ಪ್ರವಾಹದ ಭೀತಿ
ಸುದ್ದಿದಿನ ಡೆಸ್ಕ್: ಉತ್ತರ ಭಾರತದಲ್ಲಿ ಧಾರಾಕಾರವಾಗಿ ಮಳೆ ಸುರಿಯುತ್ತಿದ್ದು, ಯಮುನಾ ನದಿ ಭರ್ತಿಯಾಗಿದೆ. ಇದರಿಂದ ದೆಹಲಿ ಅಕ್ಕಪಕ್ಕದ ಪ್ರದೇಶಗಳಲ್ಲಿ ಪ್ರವಾಹ ಸಂಭವಿಸುವ ಆತಂಕ ಎದುರಾಗಿದೆ.
ಇನ್ನು ಯಮುನಾ ನದಿ ಸಮೀಪದ ರೈಲು ಮಾರ್ಗವನ್ನು ಬಂಧ್ ಮಾಡಲಾಗಿದ್ದು, 27ಕ್ಕೂ ಹೆಚ್ಚು ರೈಲುಗಳ ಸಂಚಾರ ಸ್ಥಗಿತ ಮಾಡಲಾಗಿದೆ ಎಂದು ಉತ್ತರ ರೈಲ್ವೆ ಇಲಾಖೆ ಇಳಿಸಿದೆ.
ಯಮುನಾದಲ್ಲಿನ ಹೆಚ್ಚುತ್ತಿರುವ ನೀರಿನ ಮಟ್ಟದಿಂದ ಪ್ರವಾಹದ ಸಾಧ್ಯತೆ ಬಗ್ಗೆ ಅಲ್ಲಿನ ಆಡಳಿತ ಸಂಪೂರ್ಣ ಜಾಗರೂಕತೆ ವಹಿಸಿದೆ. ಸುತ್ತಮುತ್ತ ಪ್ರದೇಶಗಳ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಕಳುಹಿಸಲಾಗಿದೆ. ದೆಹಲಿಯ ಹಲವು ಸ್ಥಳಗಳಲ್ಲಿ ತಾತ್ಕಾಲಿಕ ಶಿಬಿರಗಳನ್ನು ಆಯೋಜಿಸಲಾಗಿದೆ. ಮಂಗಳವಾರ ಬೆಳಗ್ಗೆ ಯಮುನಾ ನದಿಯ ನೀರಿನ ಮಟ್ಟವು 206 ಮೀಟರ್ ತಲುಪಿದೆ. ನೀರನ್ನು ಹತಿನಿ ಕುಂಡ್ ಆಣೆಕಟ್ಟಿನಿಂದ ಬಿಡುಗಡೆ ಮಾಡಲಾಗುತ್ತಿದೆ ಎಂದು ವರದಿಯಾಗಿದೆ.
Web title: flood threat in delhi from rising water level in yamuna river
