ಗವಾಸ್ಕರ್ ಟೆಸ್ಟ್ ಸರಣಿ : ಆಸ್ಟ್ರೇಲಿಯಾ ವಿರುದ್ಧ ಭಾರತ 250 ರನ್

ಸುದ್ದಿದಿನ ಡೆಸ್ಕ್ : ಅಡಿಲೇಡ್ ಅಸ್ಟ್ರೇಲಿಯಾ ವಿರುದ್ಧ ಇಲ್ಲಿ ನಡೆಯುತ್ತಿರುವ ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ ಮೊದಲ ಟೆಸ್ಟ್ ಮೊದಲ ಇನ್ನಿಂಗ್ಸ್ ಭಾರತ 88 ಓವರ್‍ಗಳಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡು 250 ರನ್‍ಗಳಿಸಿದೆ.

ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿದ ಭಾರತ ಮೊದಲ ಇನ್ನಿಂಗ್ಸ್ ಆರಂಭಿಸಿದ್ದು ಊಟದ ವಿರಾಮದ ವೇಳೆಗೆ 27 ಓವರ್‍ಗಳಲ್ಲಿ ಎರಡು ವಿಕೆಟ್ ಕಳೆದುಕೊಂಡು 57 ರನ್‍ಗಳಿಸಿದೆ.

ಉಸ್ಮಾನಾ ಖವಾಜಾ 21 ರನ್ ಮತ್ತು ಶೌನ್ ಮಾರ್ಸ್ 1 ರನ್‍ಗಳಿಸಿ ಕ್ರೀಸ್‍ನಲ್ಲಿದ್ದಾರೆ. ಇಶಾಂತ್ ಶರ್ಮಾ-1 ರವಿಚಂದ್ರ ಅಶ್ವಿನ್ ತಲಾ ಒಂದೊಂದು ವಿಕೆಟ್ ಪಡೆದಿದ್ದಾರೆ.

ಆಸ್ಟ್ರೇಲಿಯಾ ವಿಕೆಟ್ ಕಿತ್ತ ಭಾರತ ಆಟಗಾರರ ಸಂಭ್ರಮ ಚಿತ್ರ ಕೃಪೆ

ಬಿಸಿಸಿಐ ಟ್ವಿಟರ್

ನಿನ್ನೆ ಬ್ಯಾಟಿಂಗ್ ಆರಂಭಿಸಿದ ಭಾರತ ಪೂಜಾರಾ ಅವರ ಶತಕ (123) ಮತ್ತು ರೋಹಿತ್ ಶರ್ಮಾ, ರಿಷಭ್ ಪಂತ್ ಮತ್ತು ಆರ್. ಅಶ್ವಿನ್ ಅವರ ಉತ್ತಮ ಆಟದ ನೆರವಿನಿಂದ ಭಾರತ ಮೊದಲ ದಿನ 87.5 ಓವರ್‍ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 250 ರನ್‍ಗಳಿಸಿತ್ತು. ಇಂದು ಎದುರಿಸಿದ ಒಂದೇ ಎಸೆತದಲ್ಲಿ ಶಮಿ ಔಟಾಗುವ ಮೂಲಕ ಭಾರತ ಮೊದಲ ಇನ್ನಿಂಗ್ಸ್ ಅಂತ್ಯಗೊಳಿಸಿತು.

ಟಾಸ್ ಗೆದ್ದ ಭಾರತ ಬ್ಯಾಟಿಂಗ್ ಆಯ್ದುಕೊಂಡಿತ್ತು. ಉತ್ತಮ ಇನ್ನಿಂಗ್ಸ್ ಕಟ್ಟಬೇಕು ಎನ್ನುವ ಭಾರತ ತಂಡದ ಯೋಜನೆ ಆರಂಭದಲ್ಲೇ ವಿಫಲವಾಯಿತು. 2ನೇ ಓವರ್ ಚಾಲ್ತಿಯಲಿದ್ದಾಗ ತಂಡ ಮೂರು ರನ್‍ಗಳಿಸಿದ್ದಾಗ ಆರಂಭಿಕ ಆಟಗಾರ ಕೆ.ಎಲ್.ರಾಹುಲ್ (2 ರನ್) ಹ್ಯಾಜಲ್‍ವುಡ್‍ಗೆ ವಿಕೆಟ್ ಒಪ್ಪಿಸುವುದರೊಂದಿಗೆ ವಿಕೆಟ್ ಪತನಕ್ಕೆ ನಾಂದಿ ಹಾಡಿದರು.

ಬಳಿಕ ಕ್ರೀಸ್‍ಗೆ ಬಂದ ಚೇತೇಶ್ವರ ಪೂಜಾರಾ ಅವರ ಮುರುಳಿ ವಿಜಯ್‍ಗೆ ಜತೆಯಾದರು. ಆದರೆ, ಮೊದಲ ಮೊತ್ತಕ್ಕೆ 12 ರನ್ ಸೇರಿಸುವಷ್ಟರಲ್ಲಿ ಮುರುಳಿ ವಿಜಯ್ (11 ರನ್) ಸ್ಟಾರ್ಕ್‍ಗೆ ವಿಕೆಟ್ ಒಪ್ಪಿಸಿದರು.

ನಾಯಕ ವಿರಾಟ್ ಕೊಹ್ಲಿ ತಂಡವನ್ನು ಅಪಾಯದಿಂದ ಪಾರು ಮಾಡುತ್ತಾರೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ, ತಂಡದ ಮೊತ್ತಕ್ಕೆ ನಾಲ್ಕು ರನ್ ಸೇರುವಷ್ಟರಲ್ಲಿ ಮೂರು ರನ್‍ಗಳಿಸಿದ ಕೊಹ್ಲಿ ಕುಮಿನ್ಸ್‍ಗೆ ವಿಕೆಟ್ ನೀಡಿ ಮರಳಿದರು.

ಅಂಜಿಕ್ಯ ರಹಾನೆ ಮತ್ತು ಪೂಜಾರಾ ಸ್ವಲ್ಪ ಚೇತರಿಕೆಯ ಆಟ ಆಡಿದಂತೆ ಕಂಡುಬಂದರು. ಆದರೆ ಕಾಂಗರೂ ನಾಡಿ ಬೌಲರ್‍ಗಳು ಅದಕ್ಕೆ ಅವಕಾಶ ನೀಡಲಿಲ್ಲ. 13 ರನ್‍ಗಳಿಸಿದ ರಹಾನೆ ಅವರನ್ನು ಹ್ಯಾಜಲ್‍ವುಡ್ ಪೆವಿಲಿಯನ್‍ಗೆ ಕಳುಹಿಸಿದರು.

ಹೀಗೆ ಒಂದೆಡೆ ವಿಕೆಟ್‍ಗಳು ಪತನವಾಗುತ್ತಿದ್ದರೆ ಇನ್ನೊಂದೆಡೆ ಪೂಜಾರಾ ಭದ್ರವಾಗಿ ನೆಲೆಯೂರಿದ್ದರು. ಅತಿಥೇಯರ ವೇಗ ಮತ್ತು ಸ್ಪಿನ್ ಬಾಲ್‍ಗಳಿಗೆ ಸಂಯಮದಿಂದಲೇ ಉತ್ತರಿಸಿದರು.

ತಾಳ್ಮೆಯ ಅಟವಾಡುತ್ತಿದ್ದ ಪೂಜಾರಾಗೆ ಐದನೇ ವಿಕೆಟ್‍ಗೆ ರೋಹಿತ್ ಶರ್ಮಾ, ಆರನೇ ವಿಕೆಟ್‍ಗೆ ರಿಷಭ್ ಪಂತ್ ಮತ್ತು 7ನೇ ವಿಕೆಟ್‍ಗೆ ಆರ್ ಅಶ್ವಿನ್ ಅವರು ಉತ್ತಮ ಸಾಥ್ ನೀಡಿದ್ದರಿಂದ ತಂಡದ ಪ್ರದರ್ಶನ ಚೇತರಿಕೆಯ ಹಾದಿಯಲ್ಲಿತ್ತು.

ವಿಕೆಟ್ ಹೋಗುತ್ತಿದ್ದರೂ ಯಾವುದೇ ಒತ್ತಡಕ್ಕೆ ಒಳಗಾಗದ ಪೂಜಾರಾ ಅವರು ಅಡಿಲೇಡ್ ಅಂಗಳದಲ್ಲಿ ಪೂಜಾರಾ ಶತಕ ಬಾರಿ ಸಂಭ್ರಮಿಸಿ, ಭಾರತದ ಪಾಲಿನ ಹಿರೋ ಎನಿಸಿದರು.

ಸುದ್ದಿದಿನ.ಕಾಂ|ವಾಟ್ಸಾಪ್|9986715401