ಸಿನಿ ಸುದ್ದಿ
HaPpY BiRtHdAy | ಮಾಸ್ತಿ ಕಂಡಂತೆ ಭಟ್ರು..!
ಕವಿ , ವಿಕಟಕವಿ , ಪ್ರೇಮಕವಿ , ಪ್ರೇಮಿ , ಯೋಗ್ಯ ಪತಿ , ಅರ್ಹ ಅಳಿಯ , ಅಪ್ಪ , ಮಗ , ತಮ್ಮ , ಸಾಹಿತಿ , ಸಂಭಾಷಣೆಕಾರ , ನಿರ್ದೇಶಕ , ಪ್ರೇಕ್ಷಕ , ತೀರ್ಪುಗಾರ , ಕನ್ನಡಿಗ , ಸ್ವಚ್ಛ ಉಚ್ಚಾರಕ , ಹಾಡುಗಾರ , ಸಂಗೀತಗಾರ , ಹೇಳುಗ , ಕೇಳುಗ , ಕುಟುಂಬಸ್ಥ , ಮರ್ಯಾದಸ್ಥ , ಹಸನ್ಮುಖಿ , ಸಮಾಜಮುಖಿ , ಸ್ಪಂಧಿಸುವ ಮನಸ್ಸು , ಬೆಳೆಸುವ ಗುಣ ಹೊಂದಿರುವ ಗುಣವಂತ,”ಕತೆ -ಚಿತ್ರಕತೆ -ಸಾಹಿತ್ಯ – ಸಂಭಾಷಣೆ – ನಿರ್ದೇಶನ” ಈ ಪಂಚತಂತ್ರಗಳ ಮಾಂತ್ರಿಕ , ಹೆಸರಲ್ಲೇ “ರಾಜಯೋಗ” ಉಳ್ಳಂತವರು, ಚಿತ್ರರಂಗದಲ್ಲಿ ನಿಮ್ಮದೇ ಚಾಪು ಮೂಡಿಸಿದಂತವರು ನೀವು.
ಇವೆಲ್ಲಕಿಂತಲು ಮಿಗಿಲಾಗಿ ಮನುಷ್ವತ್ವ ಮೈಗೂಡಿಸಿಕೊಂಡಿರೋ ಮಾನವತಾವಾದಿ ,ಇವಿಷ್ಟು , ಇನ್ನೂ ಅವೆಷ್ಟೋ ಪಾತ್ರಗಳನ್ನು ನಿಭಾಯಿಸಿ ಪೋಷಿಸಿದ್ದೀರಿ , ಪೋಷಿಸುತ್ತಿರುವಿರಿ ಇಂದು ನಿಮಗೆ ಹುಟ್ಟಿದ ದಿನದ ಸಂಭ್ರಮ ದೇವರು ನಿಮಗೆ ಇನ್ನೂ ಹೆಚ್ಚಿನ ಆನಂದ ಆರೋಗ್ಯ ಐಶ್ವರ್ಯವನ್ನು ಆಶೀರ್ವದಿಸಲಿ .
ಆ ದ್ರೋಣಾಚಾರ್ಯ ಏಕಲವ್ಯನ ಬಳಿ ಹೆಬ್ಬೆಟ್ಟನ್ನು ಕೇಳಿದನಂತೆ ನೀವೇನಾದರುದ್ರೋಣಾಚಾರ್ಯನಾಗಿದ್ದರೆ ಏಕಲವ್ಯನ ಬಳಿ ಒಬ್ಬಟ್ಟನ್ನು ಕೇಳುತ್ತಿದ್ರಿ ಅಂತ ಹಾಸ್ಯವಂತರು ನೀವು , ಸಾರ್ ನೀವಾಡುವ ಮಾತುಗಳು ನೀವು ಬರೆಯುವ ಅಕ್ಷರಗಳು ನಮ್ಮಂಥ ಲಕ್ಷಾಂತರ ಶಿಷ್ಯಂದಿರಿಗೆ ಸ್ಪೂರ್ತಿ , ಹೀಗೆ ಹುರುಪಾಗಿರಿ ಹುರುದುಂಬಿಸುತ್ತಿರಿ , ಅಕ್ಷರ ಪಾತ್ರೆ ನೀವು ನಿಮಗೆ ಸರಸ್ವತಿ ಒಳ್ಳೆಯದನ್ನು ಮಾಡಲಿ.
-ನಿಮ್ಮ ಶಿಷ್ಯ ಮಾಸ್ತಿ
