ಕ್ರೀಡೆ
ಐಸಿಸಿ ಮಹಿಳಾ ಏಕದಿನ ಕ್ರಿಕೆಟ್ ಚಾಂಪಿಯನ್ ಶಿಪ್ : ಇಂಗ್ಲೆಂಡ್ ವಿರುದ್ಧ ಭಾತರಕ್ಕೆ ಗೆಲುವು
ಸುದ್ದಿದಿನ, ಮುಂಬೈ : ಭಾರತೀಯ ಮಹಿಳಾ ಕ್ರಿಕೆಟ್ ತಂಡವು ಇಂಗ್ಲೆಂಡ್ ವಿರುದ್ಧದ ಮೂರು (3)ಪಂದ್ಯಗಳ ಏಕದಿನ ಸರಣಿಯಲ್ಲಿ ರೋಚಕ ಗೆಲುವನ್ನು ಸಾಧಿಸಿದ್ದಾರೆ.
ಟಾಸ್ ಸೋತು ಮೊದಲು ಮಾಡಿದ ಭಾರತ ತಂಡ 49.4 ಓವರ್ ಗಳಲ್ಲಿ 202 ರನ್ ಬಾರಿಸಿ ಆಲ್ ಔಟ್ ಆಯಿತು. ಓಪನರ್ ಜಮೀಮ ರೋಡ್ರೀಗ್ಸ್ 48 ರನ್, ತಂಡದ ನಾಯಕಿ ಮಿಥಾಲಿರಾಜ್ 44 ರನ್ ಹಾಗೂ ಜುಲಾಲ್ ಗೋಸ್ವಾಮಿ ಅವರು 30 ರನ್ ಗಳಿಸಿ ತಂಡದ ಮೊತ್ತವನ್ನ 200 ರ ಗಡಿಯನ್ನು ದಾಟಿಸಿದರು.
ಇಂಗ್ಲೆಂಡ್ ಪರ ಸೋಫಿ ಹಾಗೂ ಜಾರ್ಜಿಯ ಎಲ್ವೀಸ್ ನಟಾಲಿಯವರು ತಲಾ 2 ವಿಕೆಟ್ ಗಳನ್ನು ಪಡೆದರು. ಈ ಸವಾಲನ್ನು ಬೆನ್ನಟ್ಟಿದ ಇಂಗ್ಲೆಂಡ್, ಭಾರತ ತಂಡದ ಸ್ಪಿನ್ನರ್ ಗಳ ದಾಳಿಗೆ ತತ್ತರಿಸಿ ಹೋಯಿತು.
ಇಂಗ್ಲೆಂಡ್ ಕೇವಲ 41 ಓವರ್ ಗಳಲ್ಲಿ 136 ರನ್ ಗಳಿಸಿ ಆಲೌಟ್ ಆಯಿತು. ಭಾರತ ತಂಡದ ಎಡಗೈ ಸ್ಪಿನ್ನರ್ ಏಕ್ತಾ ಬೀಸ್ತ್ 4 ವಿಕೆಟ್ ಗಳನ್ನು ಪಡೆದರು. ವೇಗಿ ಶಾಖಾ ಪಾಂಡೆ ಅವರು ಹಾಗೂ ಆಫ್ ಸ್ಪಿನ್ನರ್ ದೀಪ್ತಿ ಶರ್ಮಾ ತಲಾ 2 ವಿಕೆಟ್ ಪಡೆದರು.
ಒಟ್ಟು ಏಕದಿನ ಸರಣಿಯ 3 ಪಂದ್ಯಗಳಲ್ಲಿ ಭಾರತ ತಂಡ 1-0 ಅಂತರದಿಂದ ಮುನ್ನಡೆ ಸಾಧಿಸಿದೆ.
England crumbled to India's spin in Mumbai as the hosts claimed a 66-run victory in the 1st #INDvENG ICC Women's Championship ODI in Mumbai.https://t.co/554wXyFAAK
— ICC (@ICC) February 22, 2019
ಸುದ್ದಿದಿನ.ಕಾಂ|ವಾಟ್ಸಾಪ್|9986715401
