ಕ್ರೀಡೆ
ನೊವಾಕ್ ಜೊಕೊವಿಕ್ ಚಾಂಪಿಯನ್
ಸುದ್ದಿದಿನ ಡೆಸ್ಕ್ | ಬಲ ಮೊಣಕೈ ನೋವಿನಿಂದಾಗಿ ಕಳೆದ ವರ್ಷ ವಿಂಬಲ್ಡನ್ ಚಾಂಪಿಯನ್ ಶಿಪ್ ವಂಚಿತರಾಗಿದ್ದ ನೊವಾಕ್ ಜೊಕೊವಿಕ್ ಭಾನುವಾರ ನಡೆದ ಟೆನ್ನಿಸ್ ಪಂದ್ಯದಲ್ಲಿ ಕೆವಿನ್ ಅಂಡರ್ ಸನ್ ವಿರುದ್ಧ ಮುನ್ನಡೆ ಸಾಧಿಸಿ ಚಾಂಪಿಯನ್ ಶಿಪ್ ಮುಡಿಗೇರಿಸಿಕೊಂಡಿದ್ದಾರೆ.
ಕಳೆದ ತಿಂಗಳು ನಡೆದ ಫ್ರೆಂಚ್ ಒಪನ್ ಪಂದ್ಯದಿಂದ ಹೊರ ನಡೆದಿದ್ದ ಜೊಕೊವಿಕ್, ಲಂಡನ್ನಲ್ಲಿ ನಡೆದ ಗ್ರ್ಯಾಂಡ್ ಸ್ಲ್ಯಾಮ್ ಪಂದ್ಯದಲ್ಲಿ ಕೆವಿನ್ ಅಂಡರ್ಸನ್ ವಿರುದ್ಧ 6-2, 6-2, 7-6 (3) ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿದ್ದಾರೆ.
ಜೊಕೊವಿಕ್ ಗೆ ಇದು 13ನೇ ಮುಖ್ಯ ಟ್ರೋಫಿ, ಪುರುಷರ ಟೆನ್ನಿಸ್ ಇತಿಹಾಸದಲ್ಲಿ ನಾಲ್ಕನೇ ಅತ್ಯಧಿಕ ಮೊತ್ತ ಗಳಿಸಿದ ಪಂದ್ಯವಾಗಿದೆ. ರೋಜರ್ ಫೆಡರರ್ 20, ರಾಫೆಲ್ಸ್ ನಾಡಲ್ 17 ಮತ್ತು ಪೀಟ್ ಸಾಂಪ್ರಾಸ್ 14 ಪಾಯಿಂಟ್ಸ್ ಪಡೆದಿದ್ದರು. ಇದನ್ನು ಹಿಂದಿಕ್ಕಿದ್ದಾರೆ.
ಸುದ್ದಿದಿನ.ಕಾಂ|ವಾಟ್ಸಾಪ್|9986715401
