ದಿನದ ಸುದ್ದಿ
25 ವರ್ಷ ಬಳಿಕ ಸಿಕ್ಕಿಬಿದ್ದ ಅತ್ಯಾಚಾರದ ಆರೋಪಿ; ಘಟನೆ ನಡೆದದ್ದು ಎಲ್ಲಿ ಗೊತ್ತಾ?
ಸುದ್ದಿದಿನ ದೆಹಲಿ: ಅಪರಾಧವೆಸಗಿ ಎಷ್ಟು ವರ್ಷ ಕಣ್ಣಿಂದ ತಪ್ಪಿಸಿಕೊಳ್ಳಲು ಸಾಧ್ಯ. ಅಬ್ಬಬ್ಬಾ ಅಂದ್ರೆ ಎಂದರೆ ಐದು ವರ್ಷ ತಪ್ಪಿಸಿಕೊಳ್ಳಬಹುದು. ಆದರೆ, ಇಲ್ಲೊಬ್ಬ ಭೂಪ ಬರೋಬ್ಬರಿ ಇಪ್ಪತ್ತೈದು ವರ್ಷ ಕಣ್ಮೆರೆಯಾಗಿದ್ದ. ವಿಶೇಷ ಪೊಲೀಸ್ ಪಡೆ ರಚಿಸಿ, ಕೊನೆಗೂ ಆರೋಪಿ ಬಂಧಿಸಿದ್ದಾರೆ. ಅದರ ಡಿಟೇಲ್ಸ್ ಇಲ್ಲಿದೆ ನೋಡಿ.
ಮಹಿಳೆಯೊಬ್ಬಳ ಅತ್ಯಾಚಾರವೆಸಗಿ 25 ವರ್ಷ ಕಣ್ಮರೆಯಾಗಿದ್ದ ಆರೋಪಿಯನ್ನು ಮಂಗಳವಾರ ಬಂಧಿಸಿದ ಘಟನೆ ಜಮ್ಮು ಕಾಶ್ಮೀರದ ಪೂಂಚ್ ಜಿಲ್ಲೆಯಲ್ಲಿ ನಡೆದಿದೆ.
ಜಮ್ಮು ಕಾಶ್ಮೀರದ ಪೂಂಚ್ ಜಿಲ್ಲೆಯ ಬಾನುಲ್ಲಾ ಗ್ರಾಮದ ಕುಶಾಲ್ ಹುಸೇನ್ ರೇಪ್ ಕೇಸ್ ಸೇರಿದಂತೆ ಆರ್ಪಿಸಿ (RPC)ಯ ವಿವಿಧ ಸೆಕ್ಷನ್,ಗಳಡಿ ಕೇಸ್,ಗಳು ದಾಖಲಾಗಿವೆ.
1993ರಲ್ಲಿ ಮಹಿಳೆಯೊಬ್ಬಳ ಮೇಲೆ ಅತ್ಯಾಚಾರ ನಡೆದಿತ್ತು. ಅದಿನಿಂದ ಬಂಧನದಿಂದ ಹೇಗೋ ತಪ್ಪಿಸಿಕೊಳ್ಳುತ್ತಿದ್ದ. ಇವನನ್ನು ಹಿಡಿಯುವುದಕ್ಕಾಗಿ ವಿಶೇಷ ಪೊಲೀಸ್ ಪಡೆ ರಚನೆ ಮಾಡಲಾಗಿತ್ತು. ಮಂಗಳವಾರ ನಡೆಸಿದ ಕಾರ್ಯಾಚರಣೆಯಲ್ಲಿ ಅತ್ಯಾಚಾರ ಆರೋಪಿ ಸಿಕ್ಕಿಬಿದ್ದಿದ್ದಾನೆ.
