ದಿನದ ಸುದ್ದಿ
ಸ್ಕಾರ್ಪಿನ್ ಶ್ರೇಣಿಯ ಜಲಾಂತರ್ಗಾಮಿ ನೌಕೆ ಐಎನ್ಎಸ್ ವಾಗ್ಶೀರ್ ಕಾರ್ಯಾಚರಣೆಗೆ ನಿಯುಕ್ತಿ
ಸುದ್ದಿದಿನ ಡೆಸ್ಕ್ : ಸ್ಕಾರ್ಪಿನ್ ಶ್ರೇಣಿಯ 6ನೇ ಮತ್ತು ಕೊನೆಯ ಜಲಾಂತರ್ಗಾಮಿ ನೌಕೆ ಐಎನ್ಎಸ್ ವಾಗ್ಶೀರ್ ಅನ್ನು ಮುಂಬೈನಲ್ಲಿ ಬುಧವಾರ ಕಾರ್ಯಾಚರಣೆಗೆ ಬಿಡುಗಡೆ ಮಾಡಲಾಯಿತು.
ಮುಂಬೈ ಮೂಲದ ಮಝಗಾನ್ ಡಾಕ್ ಶಿಪ್ ಬಿರ್ಲ್ಡಸ್ ಕಂಪನಿಯು ಮೇಕ್ ಇನ್ ಇಂಡಿಯಾ ಉಪಕ್ರಮದಡಿ ಈ ಜಲಾಂತರ್ಗಾಮಿ ನೌಕೆಯನ್ನು ಅಭಿವೃದ್ಧಿಪಡಿಸಿದೆ.
ಉದ್ಘಾಟನಾ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿದ್ದ ರಕ್ಷಣಾ ಕಾರ್ಯದರ್ಶಿ ಅಜಯ್ಕುಮಾರ್ ಮಾತನಾಡಿ, ಆತ್ಮನಿರ್ಭರ್ ಭಾರತ ಆಂದೋಲನಕ್ಕೆ ಜಲಾಂತರ್ಗಾಮಿ ನೌಕೆಯೇ ಸೂಕ್ತ ಉದಾಹರಣೆಯಾಗಿದೆ. ಸಾಗರೋತ್ತರ ನೌಕೆಗಳು ಮತ್ತು ಸಾಧನಗಳ ದೇಶೀಯ ನಿರ್ಮಾಣದಲ್ಲಿ ಮಝಗಾನ್ ಕಂಪನಿ ಬಹುದೊಡ್ಡ ಪಾತ್ರವಹಿಸುತ್ತಿದೆ ಎಂದು ಶ್ಲಾಘಿಸಿದರು.
ಐಎನ್ಎಸ್ ವಾಗ್ಶೀರ್ ಕುರಿತು ಹೇಳಿಕೆ ನೀಡಿರುವ ಮಝಗಾನ್ ಕಂಪನಿ, ನೌಕೆಯನ್ನು ಕಠಿಣ ಪರೀಕ್ಷೆ ಮತ್ತು ಪ್ರಯೋಗಗಳಿಗೆ ಒಳಪಡಿಸಲಾಗುತ್ತದೆ. ಸಮರ ಯೋಗ್ಯ ಪ್ರಯೋಗಗಳು ನಡೆಯಲಿವೆ. ಶತ್ರು ನೌಕೆಗಳ ಮೇಲೆ ನಿಖರ ಗುರಿಯಾಗಿಸಿ ದಾಳಿ ಮಾಡುವ ಶಸ್ತ್ರಾಸ್ತ್ರಗಳನ್ನು ನೌಕೆಗೆ ಅಳವಡಿಸಲಾಗಿದೆ. ಸಾಗರ ಭಾಗದಲ್ಲಿ ಎಲ್ಲ ರೀತಿಯ ಕಾರ್ಯಾಚರಣೆಗೆ ಈ ನೌಕೆಯನ್ನು ಅಣಿಗೊಳಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.
Mazagon Dock Shipbuilders Ltd. launches 6th & final submarine of Project 75, Vagsheer in #Mumbai
Defence Secretary, Ajay Kumar, Vice Admiral, A B Singh, Naval Officers attend the event
MDL is India’s leading Defence public sector undertaking shipyards under @DefenceMinIndia pic.twitter.com/ICTKsb67RX
— PIB in Maharashtra 🇮🇳 (@PIBMumbai) April 20, 2022
ಸುದ್ದಿದಿನ.ಕಾಂ|ವಾಟ್ಸಾಪ್|9980346243
