ವಿಂಟೇಜ್ ಕಾರುಗಳ ಒಡೆಯ ಕುಟ್ಟಿ ಹಾಜಿ ಬಗ್ಗೆ ನಿಮಗೆ ಗೊತ್ತಿರದ ಸತ್ಯಗಳು

ಸುದ್ದಿ ದಿನ ಡೆಸ್ಕ್: ನೂರಾರು ವಿಂಟೇಜ್ ಕಾರುಗಳ ಒಡೆಯ ಸೋಮವಾರಪೇಟೆ ತಾಲೂಕಿನ ನೆಲ್ಲಿಹುದಿಕೇರಿ ಮೂಲದ ಪಿ.ಸಿ. ಅಹಮ್ಮದ್ ಕುಟ್ಟಿ ಹಾಜಿ ಶನಿವಾರ ಸಾವಿಗೀಡಾದರು. ತೋಟದಲ್ಲಿ ಮರದ ಕೊಂಬೆಯೊಂದು ತಲೆ ಮೇಲೆ ಬಿದ್ದು, ಚಿಕಿತ್ಸಾ ವೈಫಲ್ಯದಿಂದ ಅವರು ಕೊನೆಯಿಸಿರೆಳೆದರು. ಹಾಜಿ ಅವರ ಬಗ್ಗೆ ನಿಮಗೆ ಗೊತ್ತಿರದ ಸತ್ಯಗಳು ಇಲ್ಲಿವೆ.

• ಕುಟ್ಟಿ ಹಾಜಿ ಅವರು ಮೂಲತಃ ಕೇರಳದ ಕಣ್ಣೂರು ಜಿಲ್ಲೆಯವರು.
•  ರಾಜ್ಯ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಉಪಾಧ್ಯಕ್ಷ ಪಿ.ಸಿ. ಹಸೈನಾರ್, ಹಾಜಿ ಅವರ ಸಹೋದರ.
•  ನೂರಾರು ಕ್ಲಾಸಿಕ್ ಅಥವಾ ವಿಂಟೇಜ್ ಕಾರುಗಳನ್ನು ಸಂಗ್ರಹಿಸಿ ಅಭಿಮಾನಿಗಳನ್ನು ಸಂಪಾದಿಸಿದ್ದ ಹಾಜಿ.
• ಸಾಕಷ್ಟು ವರ್ಷಗಳಿಂದ ವಿಂಟೇಜ್ ಕಾರುಗಳನ್ನು ಸಂಗ್ರಹಿಸುವ ಹವ್ಯಾಸ.
•  ಬ್ರಿಟಿಷರ ಕಾರುಗಳಿಂದ ಹಿಡಿದು ವಿದೇಶಿ ಕಾರುಗಳ ವರೆಗೆ ಸಂಗ್ರಹ ಮಾಡಿದ್ದರು.
•  ಇವರ ಮನೆ ಮುಂದೆ ಇರುವ ಕಾರು ಸಂಗ್ರಹಾಲಯ ನೋಡಲು ವಿದೇಶದಿಂದಲೂ ಬರುತ್ತಿದ್ದ ಜನ.
• ತಮ್ಮಲ್ಲಿದ್ದ ಎಲ್ಲ ಕಾರುಗಳ ಬಗ್ಗೆ ಮಾಹಿತಿ ನೀಡುತ್ತಿದ್ದ ಹಾಜಿ.
• ಇವರ ಬಳಿ ಇದ್ದ ಎಲ್ಲ ಕಾರುಗಳು ರನ್ನಿಂಗ್ ಕಂಡಿಶನ್ ನಲ್ಲಿದ್ದವು.
• ಕೆಲವೊಮ್ಮೆ ಇವುಗಳ ಮೆರವಣಿಗೆ ಕೂಡ ನಡೆಸುತ್ತಿದ್ದರು.
• ಕಾರುಗಳ ವೀಕ್ಷಣೆಗೆ ಸ್ಥಳೀಯರು ಮತ್ತು ವಿದ್ಯಾರ್ಥಿಗಳಿಗೆ ಉಚಿತವಾಗಿ ಅವಕಾಶ ಕೊಟ್ಟಿದ್ದರು.
• ಸೋಮವಾರಪೇಟೆ ತಾಲೂಕು ನೆಲ್ಲಿಹುದಿಕೇರಿಯ ಮುಬಾರಕ್ ಎಸ್ಟೇಟ್ ಕಾಫಿ ತೋಟದಲ್ಲಿ  ಶೆಡ್‌ವೊಂದನ್ನು  ನಿರ್ಮಿಸಿ ಅಲ್ಲಿಯೇ ತಾವು ಸಂಗ್ರಹಿಸಿದ್ದ ಪುರಾತನ, ಅಪರೂಪದ ನೂರಾರು ವಿಂಟೇಜ್ ಕಾರುಗಳನ್ನು ಪ್ರದರ್ಶನಕ್ಕಿಟ್ಟಿದ್ದರು.
• ಇವರ ಸಂಗ್ರಹದಲ್ಲಿ  ಕಾರುಗಳು ಮಾತ್ರವಲ್ಲದೆ ಹಳೆ ಕಾಲದ ಮೋಟಾರ್ ಬೈಕ್, ಸೈಕಲ್‌ಗಳು, ಎತ್ತಿನ ಗಾಡಿ, ಸಿನಿಮಾ ಪ್ರೊಜೆಕ್ಟರ್‌ಗಳು, ಗಡಿಯಾರ, ಮ್ಯೂಸಿಕ್ ಪ್ಲೇಯರ್, ರೇಡಿಯೋಗಳಿದ್ದವು.
• ರಾಜ್ಯದಲ್ಲೇ ಇವರಷ್ಟು ಹೆಚ್ಚು  ಕಾರುಗಳ ಸಂಗ್ರಹ ಯಾರ ಬಳಿಯೂ ಇಲ್ಲ. ದೇಶ, ವಿದೇಶಗಳ ಮಾಧ್ಯಮಗಳು ಇವರ ಬಳಿ ಇದ್ದ ಕಾರುಗಳ ಸಂಗ್ರಹದ ಬಗ್ಗೆ ಲೇಖನ, ವರದಿಗಳನ್ನು ಪ್ರಕಟಿಸಿವೆ.
• ಶ್ರೀಮಂತರಾಗಿದ್ದರೂ ಸರಳ, ಸಜ್ಜನರಾಗಿದ್ದರು.
• ಸಿದ್ದಾಪುರ ಮುಸ್ಲಿಂ ಜಮಾಅತ್ ಕಮಿಟಿಯಲ್ಲಿ  ಉಪಾಧ್ಯಕ್ಷರಾಗಿದ್ದರು. ಸಮಾಜ ಸೇವೆಯಲ್ಲೂ ತೊಡಗಿಸಿಕೊಂಡಿದ್ದರು.
•  ಪ್ರತಿ ವರ್ಷ ಸರಕಾರಿ ಶಾಲೆಗಳ ವಿದ್ಯಾರ್ಥಿಗಳಿಗೆ ಹಳೆಯ ಕಾರುಗಳ ಸಂಗ್ರಹದ ಬಗ್ಗೆ  ಮಾಹಿತಿ ನೀಡುತ್ತಿದ್ದರು.