ದೇಶದಲ್ಲಿ ಔಷಧಿಗಳ ರಫ್ತಿನಲ್ಲಿ ಗಣನೀಯ ಪ್ರಗತಿ

ಸುದ್ದಿದಿನ ಡೆಸ್ಕ್ :ದೇಶದಲ್ಲಿ ಔಷಧಿಗಳ ರಫ್ತಿನಲ್ಲಿ ಗಣನೀಯ ಪ್ರಗತಿ ಕಂಡು ಬಂದಿದೆ. 2013-14ರಲ್ಲಿ ಔಷಧಿಗಳ ರಫ್ತು ಮೌಲು 90ಸಾವಿರದ 415 ಕೋಟಿ ರೂಪಾಯಿಗಳಷ್ಟಿದ್ದದ್ದು, 2021-22ನೇ ಸಾಲಿನಲ್ಲಿ 1 ಲಕ್ಷ 83 ಸಾವಿರದ 422 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ.

2021-22ರಲ್ಲಿ ರಫ್ತು ಸಾಧನೆ ಔಷಧಿ ವಲಯದ ಅತ್ಯುತ್ತಮ ಕಾರ್ಯದಕ್ಷತೆ ಎಂದು ಬಿಂಬಿಸಲಾಗಿದೆ. ಇದೊಂದು ಗಣನೀಯ ಪ್ರಗತಿಯಾಗಿದ್ದು, ಕಳೆದ 8 ವರ್ಷಗಳಲ್ಲಿ ಬಹುತೇಕ 10ಶತಕೋಟಿ ಅಮೆರಿಕಾ ಡಾಲರ್‌ಗಳಷ್ಟಾಗಿದೆ ಎಂದು ಹೇಳಲಾಗಿದೆ.

ಔಷಧಿ ರಫ್ತಿನಲ್ಲಾಗಿರುವ ಸಾಧನೆ ಕುರಿತು ಟ್ವೀಟ್ ಸಂದೇಶದಲ್ಲಿ ತಿಳಿಸಿರುವ ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಶ್ ಗೋಯಲ್ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಕ್ರಿಯಾತ್ಮಕ ನಾಯಕತ್ವದಲ್ಲಿ ಭಾರತ ವಿಶ್ವದ ಔಷಧ ಕೇಂದ್ರವಾಗಿ ಸೇವೆ ಸಲ್ಲಿಸುತ್ತಿದೆ ಎಂದು ಹೇಳಿದ್ದಾರೆ.

2020-21ನೇ ಸಾಲಿನ ಹಣಕಾಸು ವರ್ಷಕ್ಕೆ ಹೋಲಿಸಿದರೆ, 2021-22ರಲ್ಲಿ ಭಾರತೀಯ ಔಷಧ ರಫ್ತು ಪ್ರಮಾಣ ಮತ್ತೊಮ್ಮೆ ಆರೋಗ್ಯಕರ ಬೆಳವಣಿಗೆಯನ್ನು ಸಾಧಿಸಿದೆ ಎಂದು ಅವರು ಹೇಳಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243