ಲೈಫ್ ಸ್ಟೈಲ್
ಶಿಯೋಮಿ ರೆಡ್ ಮೀ ನೋಟ್ 5 ‘ ಇಂದು ಮಾರುಕಟ್ಟೆಗೆ
ಅತಿಕಡಿಮೆ ಬೆಲೆಗೆ ದೇಶಿಯ ಮಾರುಕಟ್ಟೆಯಲ್ಲಿ ಉತ್ತಮ ಗುಣಮಟ್ಟ ಹಾಗೂ ತಂತ್ರಜ್ಞಾನದ ಮೊಬೈಲ್ ಗಳನ್ನು ಬಿಡುಗಡೆಮಾಡಿ ಖ್ಯಾತಿ ಪಡೆದಿರುವ, ಶಿಯೋಮಿ ಕಂಪನಿ ಇಂದು (ಮೇ14) ತನ್ನ ಹೊಸ ಮೊಬೈಲ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ತಯಾರಿನಡೆಸಿದೆ. ಆ ಮೊಬೈಲ್ ಹೇಗಿದೆ ಅದರ ವೈಶಿಷ್ಟ್ಯತೆಗಳೇನು ಎಂದು ತಿಳಿಯಲು ನೀವು ಈ ಬರಹವನ್ನು ಸಂಪೂರ್ಣವಾಗಿ ಓದಲೇ ಬೇಕು.
ಒಳ್ಳೆಯ ಗುಣಮಟ್ಟದ ಮೊಬೈಲ್ ಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಅತಿ ಕಡಿಮೆ ಬೆಲೆ ನಿಗಧಿಪಡಿಸಿ ಗ್ರಾಹಕರ ಮೆಚ್ಚುಗೆಗೆ ಪಾತ್ರವಾಗಿರುವ ಶಿಯೋಮಿ ಕಂಪೆನಿ ಯು, ಈಗಿನ ಟ್ರೆಂಡ್ ಗೆ ಹೊಂದಿಕೊಳ್ಳುವ ಹಾಗೆ ಹೊಸ ತಂತ್ರಜ್ಞಾನದೊಂದಿಗೆ ತನ್ನ ಹೊಸ ಮೊಬೈಲ್ ಪೋನ್’ ಶಿಯೋಮಿ ರೆಡ್ ಮೀ ನೋಟ್ 5 ‘ಅನ್ನು ಇಂದು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ತಯಾರಿ ನಡೆಸಿದೆ. ಈಗಾಗಲೇ ಆನ್ಲೈನ್ನಲ್ಲಿ ನೋಟ್ 5 ನ ಚಿತ್ರಗಳು ಸೋರಿಕೆ ಆಗಿದ್ದು, ಮಾರುಕಟ್ಟೆಯಲ್ಲಿ ಈ ಮೊಬೈಲ್ ಇಂದಿನಿಂದ ಸದ್ದು ಮಾಡಲಿದೆ.
ಕೆಲವು ಮೂಲಗಳ ಪ್ರಕಾರ ಶಿಯೋಮಿ ಕಂಪನಿ ಇಂದು ಬೆಳಗ್ಗೆ 11.30 ಕ್ಕೆ ಪತ್ರಿಕಾಗೋಷ್ಟಿಯನ್ನು ಕರೆದಿದೆ, ಸುಮಾರು 12 ಗಂಟೆ ಆಸುಪಾಸಿಗೆ ಕಾರ್ಯಕ್ರಮವು ಆರಂಭಗೊಳ್ಳುವ ಸಾಧ್ಯತೆ ಇದೆ. ಈಗಾಗಲೇ ಆನ್ಲೈನ್ನಲ್ಲಿ ಶಿಯೋಮಿ ಮೊಬೈಲ್ ನ ಮಾಹಿತಿಗಳು ಮತ್ತು ಅದರ ವೈಶಿಷ್ಟ್ಯಗಳು ಸೋರಿಕೆಯಾಗಿದ್ದು ಅವುಗಳ ಕುರಿತಾದಂಹ ವಿವರಗಳು ಇಲ್ಲಿವೆ.
ಶಿಯೋಮಿ ರೆಡ್ ಮಿ ನೋಟ್ 5 ಮೊಬೈಲ್ನ ಹೊರ ವಿನ್ಯಾಸವು ತುಂಬಾ ಆಕರ್ಷಕವಾಗಿದೆ. ಹಳೆಯ ನೋಟ್ 4 ಮೊಬೈಲ್ ಗೆ ಹೋಲಿಸಿದರೆ ಇದರಲ್ಲಿ ನಾವು ತುಂಬಾ ಬದಲಾವಣೆಗಳನ್ನು
ಕಾಣಬಹುದು. ಈ ಮೊಬೈಲ್ 5.99 ಇಂಚು ಅಗಲದ ಸಂಪೂರ್ಣ ಎಚ್ಡಿ (1080×2160 ಪಿಕ್ಸೆಲ್) ಪರದೆಯನ್ನು ಹೊಂದಿದ್ದೆ. ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 636 ಪ್ರೊಸೆಸರ್ ಮೂಲಕ ಇದು ಕಾರ್ಯನಿರ್ವಹಿಸುತ್ತದೆ. ನೋಟ್ 5 ಅನ್ನು ಎರಡು ರೀತಿಯಲ್ಲಿ ರೂಪಾಂತರಿಸಲಾಗಿದ್ದು ಮೊದಲನೆಯದು 3GB RAM ಮತ್ತು 32 GB ಆಂತರಿಕ ಸಂಗ್ರಹಣೆಯನ್ನು ಹೊಂದಿದ್ದರೆ, ಎರಡನೆಯದು 4 GB RAM ಹಾಗೂ 64 GB ಆಂತರಿಕ ಸಂಗ್ರಹಣೆಯನ್ನು ಹೊಂದಿದೆ. ಅಲ್ಲದೇ ಇವೆರಡು ಫೋನ್ಗಳ ಸಂಗ್ರಹಣೆಯನ್ನು 256 GB ವರೆಗೆ ವಿಸ್ತರಿಸಬಹುದಾಗಿದೆ.
ಈ ಮೊಬೈಲ್ನ ಮುಂಬದಿಯ ಕ್ಯಾಮರಾವು 8 ಮೆಗಾಫಿಕ್ಸೆಲ್ ಆಗಿದ್ದು, ಹಿಂಬದಿಯಲ್ಲಿ 16 ಮೆಗಾಫಿಕ್ಸೆಲ್ ಕ್ಯಾಮರಾವನ್ನು ಅಳವಡಿಸಲಾಗಿದೆ. ಈ ಮೂಲಕ ಉತ್ತಮವಾದ ಫೋಟೋವನ್ನು ಕ್ಲಿಕ್ಕಿಸಲು ಈ ಫೋನ್ ನಿಮಗೆ ಸಹಾಯಕವಾಗಲಿದೆ. ಅದಲ್ಲದೇ ಹಿಂಬದಿಯಲ್ಲಿ ಫ್ಲಾಶ್ ಲೈಟ್ ಅನ್ನು ಇದು ಹೊಂದಿದ್ದು, ಹಿಂಬದಿ ಕ್ಯಾಮರಾದಲ್ಲಿ ಡ್ಯುಯಲ್ ಕ್ಯಾಮರಾ ಸಂವೇದಕವನ್ನು ನಾವು ಕಾಣಬಹುದಾಗಿದೆ ಮತ್ತು ಈ ಕ್ಯಾಮರಾಗಳ ಮೂಲಕ 1080P ನಲ್ಲಿ ವೀಡಿಯೊ ರೆಕಾರ್ಡಿಂಗ್ ಅನ್ನು ಕೂಡಾ ಮಾಡಬಹುದಾಗಿದೆ.
ಈ ಮೊಬೈಲ್ನಲ್ಲಿ 4100mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ ಎನ್ನುವ ವದಂತಿಗಳು ಕೇಳಿಬರುತ್ತಿದ್ದು ಇದುವರೆಗೂ ಅದರ ಕುರಿತು ಮಾಹಿತಿ ಲಭ್ಯವಾಗಿಲ್ಲ. ಇದರಲ್ಲಿ ಫಿಂಗರ್ಪ್ರಿಂಟ್ ಸೆನ್ಸಾರ್ ಕೂಡಾ ಇದ್ದು, ವೈಫೈ, ಜಿಪಿಎಸ್, ಬ್ಲೂಟೂತ್ ಅನ್ನು ಇದು ಹೊಂದಿದೆ ಎಂದು ಹೇಳಲಾಗುತ್ತಿದೆ. ಇದಲ್ಲದೇ ಪ್ರೊಕ್ಸಿಮಿಟಿ ಸೆನ್ಸಾರ್, ಅಕ್ಸೆಲೆರೊಮೀಟರ್ ಸೆನ್ಸಾರ್, ಆಂಬಿಯೆಂಟ್ ಲೈಟ್ ಸೆನ್ಸರ್ ಅನ್ನು ನಾವು ಇದರಲ್ಲಿ ನಿರೀಕ್ಷಿಸಬಹುದಾಗಿದೆ.
ಬೆಲೆಗಳ ಕುರಿತಾಗಿ ಹೇಳುವುದಾದರೆ ಶಿಯೋಮಿ ಮೊದಲಿನಿಂದಲೂ ತನ್ನ ಬೆಲೆಯಲ್ಲಿ ಸ್ಥಿರತೆಯನ್ನು ಕಾಪಾಡಿಕೊಂಡು ಬಂದಿದೆ.ಮೂಲಗಳ ಪ್ರಕಾರ ಇದರ ಬೆಲೆಯು 15,400 ಇರಬಹುದು ಎಂದು ಅಂದಾಜಿಸಲಾಗಿದೆ. ಮುಂದಿನ ವಾರದಿಂದ ಆನ್ಲೈನ್ಗಳಲ್ಲಿ ಈ ಮೊಬೈಲ್ ಲಭ್ಯವಿದ್ದು ನಂತರದ ದಿನಗಳಲ್ಲಿ ಮಾರುಕಟ್ಟೆಗಳಲ್ಲಿ ಲಭ್ಯವಾಗಲ್ಲಿ.
