ಸಂಕ್ರಾಂತಿ ವಿಶೇಷ | ಎಳ್ಳು ಮಿಶ್ರಿತ ಶೇಂಗಾ ಹೋಳಿಗೆ ಮಾಡೋದು ಹೇಗೆ ಗೊತ್ತಾ..!

ಸಿಹಿಯಾದ ಎಳ್ಳು ಮಿಶ್ರಿತ ಶೇಂಗಾ ಹೋಳಿಗೆ ಸಂಕ್ರಾಂತಿ ಹಬ್ಬದಲ್ಲಿ ಎಳ್ಳಿನ ಮಹತ್ವ ತುಂಬಾನೆ ಇದೆ.ಮಾಮುಲಿಯಾಗಿ ಶೇಂಗಾದ ಹೋಳಿಗೆ ಎಲ್ಲರೂ ಮಾಡುತ್ತಾರೆ. ಆದರೆ ಶೇಂಗಾದ ಹೋಳಿಗೆಗೆ ಎಳ್ಳು ಹಾಕಿ ಮಾಡಿದರೆ ಚಳಿಗಾಲಕ್ಕೆ ಒಳ್ಳೆಯದು.

ಎಳ್ಳು ಮಿಶ್ರಿತ ಶೇಂಗಾದ ಹೋಳಿಗೆಗೆ ಬೇಕಾದ ಸಾಮಗ್ರಿಗಳು

• ಅರ್ಧ ಕೆ.ಜಿ ಶೇಂಗಾ
• ಅರ್ಧ ಕೆ.ಜಿ ಬೆಲ್ಲ
• 200ಗ್ರಾಂ ಎಳ್ಳು
• ರುಚಿಗೆ ಉಪ್ಪು
• ಒಂದು ಚಮಚ ಎಣ್ಣೆ
• 1/4ಕೆ.ಜಿ ಮೈದಾಹಿಟ್ಟು

ಮಾಡುವ ವಿಧಾನ

ಮೊದಲಿಗೆ ಶೇಂಗಾವನ್ನು ಚೆನ್ನಗಿ ಹುರಿದುಕೊಳ್ಳಿ, ಹಾಗೂ ಎಳ್ಳುನ್ನು ಬಂಗಾರದ ವರ್ಣಕ್ಕೆ ಬರುವೆವರೆಗೆ ಹುರಿದುಕೊಳ್ಳಿ. ಹುರಿದುಕೊಂಡ ಶೇಂಗಾ ಹಾಗೂ ಎಳ್ಳನ ಜೊತೆಗೆ ಬೆಲ್ಲವನ್ನು ಸೇರಿಸಿಕೊಂಡು ಪುಡಿಮಾಡಿಕೊಳ್ಳಿ. ಈ ಪುಡಿಗೆ ಸ್ವಲ್ಪ ಬಿಸಿನೀರು ಹಾಕಿ ಕಲಿಸಿ ಉಂಡಿಗಳಾಗಿ ಮಾಡಿಕೊಳ್ಳಿ. ಮೈದಾಹಿಟ್ಟಿಗೆ ಒಂದು ಚಮಚ ಎಣ್ಣೆ, ರುಚಿಗೆ ಉಪ್ಪು ಹಾಕಿ ಚಪಾತಿಯ ಹದಕ್ಕೆ ನಾದಿಕೊಳ್ಳಿ.

ಸ್ವಲ್ಪ ಹಿಟ್ಟನ್ನು ತೆಗೆದುಕೊಂಡು ಅದರಲ್ಲಿ ಶೇಂಗಾ, ಎಳ್ಳು ಹಾಗೂ ಬೆಲ್ಲದ ಮಿಶ್ರಣದ ಉಂಡೆಯನ್ನು ಇಟ್ಟು ಚಿಕ್ಕದಾಗಿ ಲಟ್ಟಿಸಿ, ಕಾದ ತವಾದ ಮೇಲೆ ಹಾಕಿ ಸಣ್ಣ ಉರಿಯಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಕೆಂಪಗಾಗುವರೆಗೆ ಬೇಯಿಸಿ. ಅದನ್ನು ಸ್ವಲ್ಪ ಸಮಯಗಳ ವರೆಗೆ ಆರಲುಬಿಡಿ. ಸಂಕ್ರಾಂತಿಹಬ್ಬಕ್ಕೆ ಎಳ್ಳು ಮಿಶ್ರೀತ ಶೇಂಗಾ ಹೋಳಿಗೆ ತುಪ್ಪದ ಜೊತೆಗೆ ಸವಿಯಲು ಸಿದ್ದ.

-ಕಾಂಚನಾ. ಬಸವರಾಜ. ಪೂಜಾರಿ
ಪತ್ರಿಕೋಧ್ಯಮ ಮತ್ತು ಸಮೂಹ ಸಂವಹನ ವಿಭಾಗ
ಪ್ರಥಮ ವರ್ಷದ ವಿದ್ಯಾರ್ಥಿನಿ
ಅಕ್ಕ ಮಹಾದೇವಿ ವಿಶ್ವವಿದ್ಯಾನಿಲಯ ತೊರವಿ
ವಿಜಯಪುರ

ಸುದ್ದಿದಿನ.ಕಾಂ|ವಾಟ್ಸಾಪ್|9986715401