ಬಾಡಿಗೆ ಆಧಾರದಡಿ ಜೆರಾಕ್ಸ್ ಪಡೆಯಲು ಆಹ್ವಾನ

ಸುದ್ದಿದಿನ,ದಾವಣಗೆರೆ: ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ಆವರಣದಲ್ಲಿ ಆದೇಶಗಳು, ತೀರ್ಪುಗಳು, ಸಾಕ್ಷ್ಯಗಳು ಮತ್ತು ಪ್ರದರ್ಶನಗಳು ಸೇರಿದಂತೆ ನ್ಯಾಯಾಂಗ ದಾಖಲೆಗಳ ಪ್ರತಿಗಳನ್ನು ತಮ್ಮದೇ ಜೆರಾಕ್ಸ್ ಯಂತ್ರಗಳ ಮೂಲಕ ಪ್ರತಿಗಳನ್ನು ನೀಡಬಯಸುವ ಸ್ಥಳೀಯ ಖಾಸಗಿ ಜೆರಾಕ್ಸ್ ನಿರ್ವಾಹಕರಿಂದ ಟೆಂಡರ್ ಆಹ್ವಾನಿಸಲಾಗಿದೆ. ನಿಯಮ ಮತ್ತು ಷರತ್ತುಗಳಿಗೆ ಒಳಪಟ್ಟಿರುತ್ತದೆ.

ಮಾರಾಟಗಾರರು ತಮ್ಮದೇ ಆದ ಉತ್ತಮ ಸ್ಥಿತಿಯ ಪರಿಸರ ಸ್ನೇಹಿ ಮತ್ತು ಹೆವಿ ಡ್ಯೂಟಿ ಜೆರಾಕ್ಸ್ ಯಂತ್ರಗಳನ್ನು ಸ್ಥಾಪಿಸಬೇಕು. ಈ ಯಂತ್ರಗಳನ್ನು ನ್ಯಾಯಾಲಯದ ಗೊತ್ತುಪಡಿಸಿದ ಸ್ಥಳ ಅಥವಾ ಶಾಖೆಯಲ್ಲಿ ಸ್ಥಾಪಿಸಬೇಕು. ಪ್ರತಿ ಪುಟದ ಆಧಾರದ ಮೇಲೆ ನಕಲು ವೆಚ್ಚವನ್ನು ನೀಡಬೇಕು.

ಆಸಕ್ತರು ದಾವಣಗೆರೆಯ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರ ಹೆಸರಿನಲ್ಲಿ ಡಿ.ಡಿ ರೂ.10,000/- (ಹತ್ತು ಸಾವಿರ ರೂಪಾಯಿಗಳು ಮಾತ್ರ) ಠೇವಣಿ ಇಡಬೇಕು. ಮುಚ್ಚಿದ ಲಕೋಟೆಯಲ್ಲಿ “ಪ್ರಧಾನ ಸಿವಿಲ್ ನ್ಯಾಯಾಧೀಶರು ಮತ್ತು ಜೆಎಂಎಫ್‌ಸಿ ನ್ಯಾಯಾಲಯ, ದಾವಣಗೆರೆಯಲ್ಲಿ 4 ನಕಲು ಯಂತ್ರಗಳ ಸ್ಥಾಪನೆಗೆ ದರಪಟ್ಟಿ” ಎಂದು ನಮೂದಿಸಿ ಸೆಪ್ಟೆಂಬರ್ 19 ರ ಸಂಜೆ 5.30 ರೊಳಗೆ ದಾವಣಗೆರೆಯ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರು/ಘಟಕ ಮುಖ್ಯಸ್ಥರ ಕೊಠಡಿಯಲ್ಲಿ ದರಪಟ್ಟಿಗಳನ್ನು ಸಲ್ಲಿಸಬಹದು ಎಂದು ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರಾದ ಡಿ.ಕೆ.ವೇಲಾ ತಿಳಿಸಿದ್ದಾರೆ.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243