ಹಲ್ಲು‌ ನೋವು – ಬಾಯಿ‌ ಹುಣ್ಣುಗಳಿಗೆ ಇಲ್ಲಿದೆ ಮನೆ ಔಷಧಿ..!

1. ಕೊತ್ತಂಬರಿ ಸೊಪ್ಪನ್ನು ಹಲ್ಲುಗಳಿಂದ ಅಗಿಯುವುದರಿಂದ ಬಾಯಿಯಲ್ಲಿನ ದುರ್ಗಂಧ ನಾಶವಾಗುವುದು ಮತ್ತು ದಂತಕ್ಷಯ ನಿವಾರಣೆಯಾಗುವುದು.

2. ಮೂರು ನಾಲ್ಕು ಲವಂಗವನ್ನು ನುಣ್ಣಗೆ ಅರೆದು ಸ್ವಲ್ಪ ನಿಂಬೆರಸದೊಂದಿಗೆ ಮಿಶ್ರ ಮಾಡಿ ವಸಡು ಮತ್ತು ಹಲ್ಲುಗಳ ಮೇಲೆ ತಿಕ್ಕುವುದರಿಂದ ಹಲ್ಲು ನೋವು ಮಾಯವಾಗುವುದು.

3. ಶುಂಠಿಯನ್ನು ಕೆಂಡದ ಮೇಲೆ ಸುಟ್ಟು ಪುಡಿ ಮಾಡಿ ಅದಕ್ಕೆ ಉಪ್ಪಿನ ಪುಡಿ ಸೇರಿಸಿ ಹಲ್ಲು ಮತ್ತು ವಸಡನ್ನು ತಿಕ್ಕುವುದರಿಂದ ಹಲ್ಲು ನೋವು ಮಾಯವಾಗುವುದು.

4, ಈರುಳ್ಳಿಯನ್ನು ನುಣ್ಣಗೆ ಅರೆದು ಒಸಡಿಗೆ ಮೃದುವಾಗಿ ತಿಕ್ಕಿದರೆ ಒಸಡಿನಿಂದ ಉಂಟಾಗುವ ರಕ್ತಸ್ರಾವ ನಿಲ್ಲುವುದು, ದಂತಕ್ಷಯ ದೂರವಾಗುವುದು.

5. ದಪ್ಪನಾದ ಕೆಂಪು ಸೇಬನ್ನು ಹಲ್ಲುಗಳಿಂದ ಕಚ್ಚಿ ತಿನ್ನುತ್ತಿದ್ದರೆ ಹಲ್ಲುಗಳ ಹೊಳಪು ಸಹ ಹೆಚ್ಚುತ್ತದೆ.

6. ಒಣಗಿದ ಕೊಬ್ಬರಿ ಮತ್ತು ಕಲ್ಲು ಸಕ್ಕರೆಯನ್ನು ಚೆನ್ನಾಗಿ ಅಗೆದು ರಸ. ಕುಡಿಯುತ್ತಿದ್ದರೆ ಬಾಯಿ ಹುಣ್ಣುವಾಸಿಯಾಗುತ್ತದೆ.

7. ಬಾಯಿ ಹುಣ್ಣಿಗೆ ಜೇನುತುಪ್ಪವನ್ನು ಎರಡು ದಿನಗಳವರೆಗೂ ಹಚ್ಚುವುದರಿಂದ ಬೇಗನೆ ಗುಣವಾಗುವುದು.

8. ಸ್ವಲ್ಪ ಉಪ್ಪನ್ನು ಬಿಸಿ ನೀರಿನಲ್ಲಿ ಕರಗಿಸಿ ಬಾಯಿ ಮುಕ್ಕಳಿಸುವುದರಿಂದ ಗಂಟಲು ಹುಣ್ಣು ಹೋಗುವುದು ಹಾಗೂ ವಸಡಿನ ಊತ ಇಳಿದು ಹಲ್ಲು ನೋವು ದೂರವಾಗುವುದು.

9, ಓಮಿನ ಕಾಳನ್ನು ಬಾಯಿಗೆ ಹಾಕಿಕೊಂಡು ಅಗಿದು ತಿನ್ನುವುದರಿಂದ ಆಹಾರ ಚೆನ್ನಾಗಿ ಜೀರ್ಣವಾಗುವುದು. ಬಾಯಿಯ ದುರ್ನಾತ ದೂರವಾಗಿ ದಂತಕ್ಷಯ ನಿವಾರಣೆಯಾಗುವುದು.

9. ಕಬ್ಬನ್ನು ಹಲ್ಲುಗಳಿಂದ ಜಿಗಿದು ತಿನ್ನುವುದರಿಂದ ಹಲ್ಲುಗಳು
ಶುಭ್ರವಾಗುತ್ತವೆ. ವಸಡುಗಳು ಗಟ್ಟಿಯಾಗುತ್ತವೆವೃದ್ಧಿ ಮತ್ತು ಆರೋಗ್ಯ ಯಾಗುತ್ತದೆ.

10. ಹುಳುಕು ಹಲ್ಲು ನೋಯುತ್ತಿದ್ದರೆ ಲವಂಗದ ಎಣ್ಣೆಯನ್ನು ಹತ್ತಿಯಲ್ಲಿ ನೆನೆಸಿ ಕಚ್ಚಿಕೊಂಡಿರುವುದರಿಂದ ನೋವು ತಟ್ಟನೆ ಮಾಯಾವಾಗುವುದು.

ಸುದ್ದಿದಿನ.ಕಾಂ|ವಾಟ್ಸಾಪ್|9980346243