ಭಾವ ಭೈರಾಗಿ
ಕವಿತೆ | ಪ್ರೇಮ ಕುಲುಮೆ
ನೀನೊಂದು ಪ್ರೇಮ ಕುಲುಮೆ
ನೀ ಕಾಸಿದಷ್ಟು ಕರಗಲಿಲ್ಲ ನಾನು
ಯಾರೊ ತಟ್ಟಿದ ಅವರಿಚ್ಚೆಯ ಆಕಾರದ ಅಸ್ತ್ರವಾದೆ.
ಮತ್ತೇ ಮತ್ತೇ ಬರುತ್ತಲೆ ಇರುತ್ತೇನೆ
ನಿನ್ನ ಪ್ರೇಮ ಕುಲುಮೆಗೆ
ಆಗಲೂ ನೀ ಕಾಯಿಸುತ್ತಿಯಾ
ನಾ ಕರಗದೆ ಬಾಗುತ್ತೇನೆ
ಯಾರೋ ತಟ್ಟಿಕೊಳ್ಳುತ್ತಾರೆ ಅವರಿಚ್ಚಯ ಆಕಾರಕ್ಕೆ.
ನಮ್ಮಿಬ್ಬರದು ಕುಲುಮೆ ಕಬ್ಬಿಣದ ನಂಟು
ಕಾಸಿದ್ದು ನೀನು ಕಾದಿದ್ದು ನಾನು
ನೊಂದಿದ್ದು ನೀನು ಬೆಂದಿದ್ದು ನಾನು
ಯಾರದೊ ಕೈಯಲ್ಲಿ ಅವರಿಚ್ಚೆ ಪಡೆದು ನೀರಲ್ಲಿ ಮಿಂದಾಗ
ತಳಮಳ ತಾಪ ನಂದು ನಿಟ್ಟುಸಿರು ನಿಂದು.
-ಏಕಾಂತಗಿರಿ
ಸುದ್ದಿದಿನ.ಕಾಂ|ವಾಟ್ಸಾಪ್|9986715401
