Connect with us

ದಿನದ ಸುದ್ದಿ

ಮಹಿಳೆ ನಾಪತ್ತೆ

Published

on

ಸುದ್ದಿದಿನ,ಬೆಂಗಳೂರು : ಯಶವಂತಪುರದ ಮೋಹನ್ ಕುಮಾರ್ ನಗರ ನಿವಾಸಿಯಾದ ಶ್ರೀಮತಿ ಎನ್. ಭಾಗೀರಥಿ (80) ಎಂಬುವವರು ನಾಪತ್ತೆಯಾಗಿದ್ದಾರೆ.

ದಿನಾಂಕ: 19.03.2023ರಂದು
ಬೆಳಗ್ಗೆ 8.00 ಗಂಟೆಗೆ ಕೆಲಸಕ್ಕೆ ಹೋಗುವಾಗ ನನ್ನ ತಾಯಿಗೆ ಕೆಲಸಕ್ಕೆ ಹೋಗುವುದಾಗಿ ಹೇಳಿ ಹಣ ಕೊಡುವಂತೆ ಕೇಳಿದಾಗ ನಾನು 500 ರೂಪಾಯಿ ಹಣವನ್ನು ಕೊಟ್ಟು ಪುನಃ ಸಂಜೆ 6.30ಕ್ಕೆ ಮನೆಯಲ್ಲಿ ಭಾಗೀರಥಿ ಇರಲಿಲ್ಲ. ಈ ಹಿಂದೆಯೇ 4-5 ಬಾರಿ ಮನೆಯಿಂದ ಹೊರಗೆ ಹೋಗಿದ್ದು, ಮಾರನೆ ದಿನ ವಾಪಸ್ ಬರುತ್ತಿದ್ದರು ಅದರಂತೆ ನಾನು ಎಲ್ಲಿಯಾದರೂ ಹೋಗಿರಬಹುದು ಬರುತ್ತಾರೆಂದು ಸಮ್ಮನಾಗಿದ್ದು ಬರದಿದ್ದರಿಂದ ನನ್ನ ತಾಯಿನ್ನು ಎಲ್ಲಾ ಕಡೆಗಳಲ್ಲಿ ಹುಡುಕಲಾಗಿದ್ದು ಪತ್ತೆಯಾಗಿರುವುದಿಲ್ಲ, ಕೊನೆಗೆ ನನ್ನ ಸಂಬಂಧಿಕರಿಗೆ ಕರೆ ಮಾಡಿ ವಿಚಾರ ಮಾಡಿ ನಂತರದ ದೇವಸ್ಥಾನ, ರೈಲ್ವೆ ನಿಲ್ದಾಣ ಹುಡುಕಿದರು ಕೂಡ ಸಿಕ್ಕಿರುವುದಿಲ್ಲ. ಅಂದು ಯಶವಂತಪುರ ಪೋಲಿಸ್ ಠಾಣೆಗೆ ಬಂದು ದೂರು ನೀಡಿದ್ದೇನೆ.

ನಾಪತ್ತೆಯಾದ ನನ್ನ ತಾಯಿ ಶ್ರೀಮತಿ ಎನ್. ಭಾಗೀರಥಿಯು 4 ಅಡಿ ಎತ್ತರ, ಪಿಂಕ್ ಬಣ್ಣದ ಹೂವುಗಳಿಂದ ಸೀರೆ ಮತ್ತು ಪಿಂಕ್‌ ಬಣ್ಣದ ಬ್ಲೌಸ್ ಧರಿಸಿದ್ದು, ಕನ್ನಡ, ತಮಿಳು, ತೆಲುಗು ಮಾತಾಡುತ್ತಾರೆ. 10ನೇ ತರಗತಿಯವರೆಗೆ ವಿದ್ಯಾಭ್ಯಾಸ ಮಾಡಿದ್ದು, 4 ವರ್ಷಗಳ ಹಿಂದೆ ಬುದ್ಧಿಮಾಂದ್ಯತೆಯನ್ನು ಹೊಂದಿದ್ದರು.

25.03.2023 ರಂದು ಮಧ್ಯಾಹ್ನ 1 ಗಂಟೆಗೆ ಯಶವಂತಪುರ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಕಾಣೆಯಾಗಿರುವ ಕುರಿತು ಯಶವಂತಪುರ ಪೋಲಿಸ್ ಠಾಣೆಯ ಪೋಲಿಸ್ ಸಬ್ ಇನ್ಸ್ಪೆಕ್ಟರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಮೇಲ್ಕಂಡ ಮಹಿಳೆಯ ಬಗ್ಗೆ ಚಹರೆಯುಳ್ಳ ಮಾಹಿತಿ ಸಿಕ್ಕಲ್ಲಿ ಯಶವಂತಪುರ ಪೋಲಿಸ್ ಠಾಣೆಯ ದೂರವಾಣಿ ಸಂಖ್ಯೆಗೆ 9480801322, 080-22942526, ದೂರುದಾರ ದೂ: 8762168327, 8904915647 ಸಂಪರ್ಕಿಸಬೇಕೆಂದು ಪೋಲಿಸರು
ಮನವಿ ಮಾಡಿದ್ದಾರೆ.

ದಿನದ ಸುದ್ದಿ

ರೈತನಿಗೆ ಅವಮಾನ ; ಜಿ.ಟಿ ಮಾಲ್ ಬಂದ್..!

Published

on

ಸುದ್ದಿದಿನಡೆಸ್ಕ್:ಪಂಚೆ ತೊಟ್ಟು ಬಂದ ರೈತನಿಗೆ ಜಿ.ಟಿ ಮಾಲ್​ ಸಿಬ್ಬಂದಿ ಪ್ರವೇಶ ನಿರಾಕರಿಸಿದ ಘಟನೆ ಇಂದು ಸದನದಲ್ಲಿ ಪ್ರತಿಧ್ವನಿಸಿದೆ. ಸದನಕ್ಕೆ ಪಂಚೆಯುಟ್ಟು ಬಂದ ಶಾಸಕ ಶರಣಗೌಡ ಕಂದಕೂರ ಜಿಟಿ ಮಾಲ್‌ ವಿರುದ್ಧ ಕಿಡಿಕಾರಿದ್ದಾರೆ.

ಇನ್ನು ಹಲವು ಶಾಸಕರು ಘಟನೆಯನ್ನ ಖಂಡಿಸಿದ್ದಾರೆ. ಈ ಹಿನ್ನೆಲೆ ರೈತನಿಗೆ ಅಪಮಾನ ಮಾಡಿದ ಜಿ.ಟಿ ಮಾಲ್​ಗೆ ಸರ್ಕಾರ ತಕ್ಕಪಾಠ ಕಲಿಸಲು ಮುಂದಾಗಿದೆ. ರೈತನಿಗೆ ಅಪಮಾನ ಮಾಡಿದ ಜಿ.ಟಿ. ಮಾಲ್ ವಿರುದ್ಧ ಬಿಬಿಎಂಪಿ ಕ್ರಮ ಕೈಗೊಳ್ಳಲಿದೆ. 7 ದಿನಗಳ ಕಾಲ ಮಾಲ್​ ಕ್ಲೋಸ್ ಮಾಡಲು ಬಿಬಿಎಂಪಿ ಮುಂದಾಗಲಿದೆ.

ಹಾವೇರಿ ಜಿಲ್ಲೆಯ ಅರೇಮಲ್ಲಾಪುರ ಗ್ರಾಮದ ನಾಗರಾಜ್​ ತಮ್ಮ ತಂದೆ ತಾಯಿ ಜೊತೆ ಬೆಂಗಳೂರಿನ ಮಾಗಡಿ ರಸ್ತೆಯಲ್ಲಿರೋ ಜಿ.ಟಿ. ಮಾಲ್‌ಗೆ ಸಿನಿಮಾ ನೋಡೋಕೆ ಬಂದಿದ್ರು. ಹೀಗೆ ಮಾಲ್‌ ಒಳಗೆ ಎಂಟ್ರಿ ಕೊಡ್ತಿದ್ದಂತೆ ಸೆಕ್ಯೂರಿಟಿ ಸಿಬ್ಬಂದಿ ನಾಗರಾಜ್ ತಂದೆ ಪಂಚೆ ತೊಟ್ಟಿದ್ದಾರೆ. ಮಾಲ್‌ನ ಒಳಗೆ ಪಂಚೆ ತೊಟ್ಟವರಿಗೆ ಪ್ರವೇಶವಿಲ್ಲ ಅಂತ ಅಲ್ಲೇ ತಡೆದಿದ್ದಾರೆ.

ಇದನ್ನ ಪ್ರಶ್ನಿಸಿದ ಬಳಿಕ ಎಂಟ್ರಿ ಕೊಟ್ಟ ಮಾಲ್ ಮ್ಯಾನೇಜರ್‌ ಕೂಡಾ ಅದೇ ರಾಗಾ ತೆಗೆದಿದ್ದರು. ಅಷ್ಟೇ ಅಲ್ಲ. ಸುಮಾರು ಅರ್ಧ ಗಂಟೆಗಳ ಕಾಲ ಮಾಲ್ ಒಳಗೆ ಬಿಡದೇ ಸಿಬ್ಬಂದಿ ಸತಾಯಿಸಿದ್ದಾರೆ. ಸಿನಿಮಾ ವೀಕ್ಷಣೆಗೆ ಹೋಗಲೂ ಬಿಡದೇ ಗೇಟ್ ಬಳಿಯೇ ಕೂರಿಸಿ ಅವಮಾನ ಮಾಡಿದ್ದಾರೆ. ಇದನ್ನೆಲ್ಲಾ ಕಂಡು ವೃದ್ಧನ ಪುತ್ರ ನಾಗರಾಜ್ ಅಸಮಾಧಾನ ವ್ಯಕ್ತಪಡಿಸಿದ್ದರು. ಮಾಲ್‌ ಸಿಬ್ಬಂದಿ ತೋರಿದ ದರ್ಪವನ್ನೆಲ್ಲಾ ತನ್ನ ಮೊಬೈಲ್‌ನಲ್ಲಿ ಸೆರೆಹಿಡಿದ್ದರು.

ಈ ಬಗ್ಗೆ ಕನ್ನಡ ಪರ ಹೋರಾಟಗಾರರು ಜಿಟಿ ಮಾಲ್‌ಗೆ ಸರಿಯಾಗಿ ಬಿಸಿಮುಟ್ಟಿಸಿದ್ದಾರೆ. ಕನ್ನಡ ಹೋರಾಟಗಾರರ ಪ್ರತಿಭಟನೆಗೆ ಥಂಡಾ ಹೊಡೆದ ಜಿಟಿ ಮಾಲ್‌ ಸಿಬ್ಬಂದಿ ನಂತರ ರೈತನನ್ನು ಕರೆಸಿ ಸನ್ಮಾನ ಮಾಡಿದ್ದಾರೆ. ಬೆಂಗಳೂರಿನ ಜಿಟಿ ಮಾಲ್​ಗೆ ರೈತ ಫಕೀರಪ್ಪ ಪಂಚೆ ಧರಿಸಿಕೊಂಡು ಬಂದು ಸನ್ಮಾನ ಸ್ವೀಕರಿಸಿದ್ದಾರೆ.ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ತುಂಗಭದ್ರ ಜಲಾಶಯದ ಒಳ ಹರಿವು ಹೆಚ್ಚಳ

Published

on

ಸಾಂದರ್ಭಿಕ ಚಿತ್ರ

ಸುದ್ದಿದಿನಡೆಸ್ಕ್:ತುಂಗಭದ್ರ ಜಲಾಶಯದ ಒಳ ಹರಿವು ಮತ್ತೆ ಹೆಚ್ಚಿದೆ. ಇಂದು 1 ಲಕ್ಷದ 4 ಸಾವಿರ ಕ್ಯೂಸೆಕ್ ನೀರು ಹರಿದು ಬರುತ್ತಿದೆ. ಜಲಾಶಯದ ಗರಿಷ್ಟ ಮಟ್ಟ 1 ಸಾವಿರದ 633 ಅಡಿಯಾಗಿದ್ದು, ಇಂದಿನ ನೀರಿನ ಮಟ್ಟ 1 ಸಾವಿರದ 614.31 ಅಡಿ ತಲುಪಿದೆ. ಜಲಾಶಯದಲ್ಲಿ 47 ಟಿಎಂಸಿ ನೀರು ಸಂಗ್ರಹವಾಗಿದೆ.

ಜಲಾಶಯದ ನೀರಿನ ಸಂಗ್ರಹ ಸಾಮರ್ಥ್ಯ 106 ಟಿಎಂಸಿಯಾಗಿದೆ. ತುಂಗಭದ್ರ ಬಲದಂಡೆ ಕೆಳ ಮಟ್ಟದ ಕಾಲುವೆಗೆ ಕೃಷಿ ಚಟುವಟಿಕೆಗಾಗಿ 300 ಕ್ಯೂಸೆಕ್ ನೀರು ಹೊರ ಬಿಡಲಾಗಿದೆ.ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

ದಿನದ ಸುದ್ದಿ

ಶತಾವರಿ ಗಿಡಮೂಲಿಕೆಗಳ ರಾಣಿ

Published

on

ಬೇರು ಶತಾವರಿಯು ಆಯುರ್ವೇದದ ಒಂದು ಬಹುಮುಖ್ಯ ಗಿಡಮೂಲಿಕೆಯಾಗಿದೆ. ಆಯುರ್ವೇದದಲ್ಲಿ ಶತಾವರಿಯ ಔಷಧಿ ಗುಣಗಳ ಬಗ್ಗೆ ವಿವರಿಸಲಾಗಿದೆ.

ಇದನ್ನು ಆಯುರ್ವೇದದಲ್ಲಿ ವಿವಿಧ ಔಷಧಿ ಮತ್ತು ಸೌಂದರ್ಯವರ್ಧಕಗಳ ಉತ್ಪನ್ನಗಳ ತಯಾರಿಕೆಯಲ್ಲಿ ಉಪ ಯೋಗಿಸಲಾಗುತ್ತದೆ. ಈ ಗಿಡ ಮೂಲಿಕೆಯು ನಮ್ಮ ಶರೀರವನ್ನು ಪೋಷಿಸುತ್ತದೆ. ಸಂತಾನೋತ್ಪತ್ತಿ ಅಂಗಗಳನ್ನು ಪುನಶ್ವೇತನಗೊಳಿಸುತ್ತದೆ. ಸ್ತ್ರೀ ಹಾರ್ಮೋನು ವ್ಯವಸ್ಥೆಗಳನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ. ಬಾಣಂತಿಯರಲ್ಲಿ ಎದೆ ಹಾಲು ಹೆಚ್ಚುವುದರಲ್ಲಿ ಸಹಾಯವಾಗು ವುದರಿಂದ ಇದಕ್ಕೆ ಮಕ್ಕಳ ತಾಯಿ ಬೇರು ಎನ್ನುವರು.

ಸ್ತ್ರೀಯರ ಆರೋಗ್ಯ ಸಮಸ್ಯೆಗಳನ್ನು ಗುಣಪಡಿಸುವಲ್ಲಿ ಹೆಚ್ಚು ಉಪಯುಕ್ತವಾಗುವುದರಿಂದ ಇದಕ್ಕೆ ಸ್ತ್ರೀಯರ ಆರೋಗ್ಯ ಟಾನಿಕ್‌ (Female Health Tonic) ಎನ್ನುತ್ತಾರೆ. ಆಯುರ್ವೇದದಲ್ಲಿ ಶತಾವರಿಯನ್ನು (Glutathione) ಕೆಲಸ ಆಮ್ಲಪಿತ್ತ, ಗ್ರಹಣಿ, ರಕ್ತಪಿತ್ತ, ಶುಕ್ತಕ್ಷಯ, ರಕ್ತಪ್ರದರ, ಸ್ತನ್ಯಕ್ಷಯ, ಮೂತ್ರ ವಿಕಾರ, ಆರ್ಶ, ಮಸ್ತಿಷ್ಕ ದೌರ್ಬಲ್ಯ, ಕ್ಷಯ ರೋಗ, ಶಿರೋರೋಗ, ಹೃದಯ ರೋಗ ತ್ತದೆ. ಇತ್ಯಾದಿ ರೋಗಗಳ ಚಿಕಿತ್ಸೆಯಲ್ಲಿ ಉಪಯೋಗಿಸಲಾಗುತ್ತದೆ.

ಪರ್ಯಾಯ ಹೆಸರುಗಳು
ಶತಾವರಿ: ನೂರು (ಶತ್ರ) ರೋಗಗಳನ್ನು ನಿವಾರಿಸುವ ಶಕ್ತಿ ಇದರಲ್ಲಿ ಇರುವದರಿಂದ ಇದಕ್ಕೆ ಶತಾವರಿ ಎನ್ನುವರು.
ಶತಮೂಲಿ: ನೂರು (ಶತ) ಬೇರುಗಳನ್ನು ಹೊಂದಿರುವುದರಿಂದ ಶತಮೂಲಿ ಎಂದು ಕರೆಯುವರು.

ಶತಾವರಿ ಪ್ರಯೋಜನಗಳು ;
ಬಾಹ್ಯ ಉಪಯೋಗ (External Use)

ಮುಖದ ಮೇಲಿನ ಸುಕ್ಕು (Face Wrinkles, Age lines):
ಶತಾವರಿ ಬೇರಿನ ಪಡಿಯನ್ನು ಗುಲಾಬಿ ಜಲದ ಜೊತೆ ಮಿಶ್ರಣ ಮಾಡಿ ಪೇಸ್ಟನ್ನು ಮುಖದ ಮೇಲೆ ದಿನಕ್ಕೆ ಒಂದು ಸಲ ಹಚ್ಚಿ ಹತ್ತರಿಂದ ಇಪ್ಪತ್ತು ನಿಮಿಷ ಬಿಟ್ಟು ಒಣಗಿದ ಮೇಲೆ ಮುಖವನ್ನು ನೀರಿನಿಂದ ತೊಳೆದುಕೊಳ್ಳಬೇಕು, ಶತಾವರಿ ಆಂಟಿಆಕ್ಸಿಡೆಂಟ್ ಗುಣಗಳನ್ನು ಹೊಂದಿರುವುದರಿಂದ ವಯಸ್ಸಾಗುವಿಕೆಯನ್ನು ತಡೆಗಟ್ಟುತ್ತದೆ. ಮುಖದ ಚರ್ಮದ ಮೇಲೆ ಕಾಣಿಸಿಕೊಳ್ಳುವ ಸುಕ್ಕುಗಳನ್ನು ತಡೆಯುತ್ತದೆ.
Pigmentation): ಶತಾವರಿ ಬೇರಿನ ಪುಡಿಯನ್ನು ಹಾಲಿನಲ್ಲಿ ಮಿಶ್ರಣ ಮಾಡಿ ಈ ಲೇಪವನ್ನು ಮುಖದ ಮೊಡವೆಗಳ ಮೇಲೆ ದಿನಕ್ಕೆ ಒಂದು ಸಲ ಹಚ್ಚಿ 15 ರಿಂದ 20 ನಿಮಿಷ ಬಿಟ್ಟು ಒಣಗಿದ ಮೇಲೆ ಮುಖವನ್ನು ನೀರಿನಿಂದ ತೊಳೆಯ ಬೇಕು, ಇದರಿಂದ ಮೊಡವೆಗಳು ಕಡಿಮೆಯಾಗಿ ಕಪ್ಪು ಕಲೆಗಳು ವಾಸಿಯಾಗುತ್ತದೆ ಮತ್ತು ಮುಖದ ಕಾಂತಿ ಹೆಚ್ಚಿಸುತ್ತದೆ. ಇದು ಗ್ಲುಟಾಥಿಯೋನ (Glutathione) ಕೆಲಸ ಮಾಡುತ್ತದೆ.
ಗಾಯ (Wounds): ಮೇಲೆ ಶತಾವರಿ ಪೇಸ್ಟನ್ನು ಹಚ್ಚುವುದರಿಂದ ಗಾಯ ಬೇಗನೆ ವಾಸಿಯಾಗುತ್ತದೆ.
ತುಟಿಗಳ ಕಪ್ಪು ಬಣ್ಣ (Black Lips): ತುಟಿಗಳು ಕಪ್ಪು ಬಣ್ಣಕ್ಕೆ ತಿರುಗಿದ್ದರೆ ಶತಾವರಿ ಪಡಿಗೆ ಜೇನುತುಪ್ಪವನ್ನು ಸೇರಿಸಿ ಈ ಪೇಸ್ಟ್ ಅನ್ನು ದಿನಕ್ಕೆ ಒಂದರಿಂದ ಎರಡು ಸಲ ತುಟಿಗಳಿಗೆ ಹಚ್ಚುವುದರಿಂದ ತುಟಿಗಳ ಕಪ್ಪು ಬಣ್ಣ ಕಡಿಮೆಯಾಗುತ್ತದೆ.

ತಲೆಹೊಟ್ಟು ಕೂದಲಿನ ಬೆಳವಣಿಗೆ: ಶತಾವರಿ ಪುಡಿಯನ್ನು ಆಮಲಕಿ (ನೆಲ್ಲಿಕಾಯಿ) ಪುಡಿಯೊಂದಿಗೆ ಮಿಶ್ರಣ ಮಾಡಿ ತಲೆಗೆ (Hair Pack) ಹಚ್ಚಿ ಅರ್ಧ ಗಂಟೆ ನಂತರ ತಲೆ ತೊಳೆಯು ವುದರಿಂದ ತಲೆಹೊಟ್ಟು ಕಡಿಮೆಯಾಗಿ, ಕೂದಲು ಚೆನ್ನಾಗಿ ಬೆಳೆಯುತ್ತದೆ.

ದುಗ್ದಪಾನ (Lactation): ಹತ್ತು ಗ್ರಾಂ ತಾಜಾ ಅಥವಾ ಒಣಗಿದ ಶತಾವರಿ ಬೇರಿನ ಪುಡಿಯನ್ನು 100 ಮಿಲಿ ಹಾಲಿನಲ್ಲಿ ಮಿಶ್ರಣ ಮಾಡಿ 50 ಮಿಲಿ ಬರುವವರೆಗೆ ಕುದಿಸಬೇಕು. ನಂತರ ಈ ಮಿಶ್ರಣವನ್ನು ಶೋಧಿಸಿ (ಫಿಲ್ಟರ್) ಮಾಡಿ ಇದಕ್ಕೆ ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿ ದಿನಕ್ಕೆ ಎರಡು ಸಲ ಬಾಣಂತಿಯರು ಕುಡಿಯುವುದರಿಂದ ತಾಯಿಯ ಎದೆ ಹಾಲು ಹೆಚ್ಚಾಗುತ್ತದೆ ಮತ್ತು ಮಹಿಳೆಯರ ಆರೋಗ್ಯ ಸುಧಾರಿಸುತ್ತದೆ.

ಪುನರ್ ಯೌವ್ವನ/ನವಚೈತನ್ಯ (Rejuvenation): ದಿನಾಲು ಐದರಿಂದ ಹತ್ತು ಗ್ರಾಂ ಶತಾವರಿ ಬೇರಿನ ಪುಡಿಯನ್ನು ಸಕ್ಕರೆ ಜೊತೆಗೆ ದಿನಕ್ಕೆ ಎರಡು ಸಲ ಸೇವಿಸುವುದರಿಂದ ಆಯಾಸ, ಸುಸ್ತು, ನರ ದೌರ್ಬಲ್ಯತೆಯನ್ನು ಕಡಿಮೆ ಮಾಡುತ್ತದೆ. ಶರೀರ ಚೈತನ್ಯಯುಕ್ತವಾಗುತ್ತದೆ ಮತ್ತು ಶರೀರದ ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಇದು ರಸಾಯನ (ಆಂಟಿ ಆಕ್ಸಿಡೆಂಟ್) ಗುಣಗಳನ್ನು ಹೊಂದಿದೆ.

ಮೂತ್ರಕೋಶದ ಸೋಂಕು (Urinary Tract Infection): ದಿನನಿತ್ಯ 5 ಗ್ರಾಂ ಶತಾವರಿ ಬೇರಿನ ಪುಡಿಯನ್ನು ರಾತ್ರಿಯಲ್ಲಿ ಸೇವಿಸುವುದರಿಂದ ಪದೇಪದೇ ಬರುವ ಮೂತ್ರ ಕೋಶದ ಸೋಂಕು, ಉರಿಮೂತ್ರ, ಮೂತ್ರಪಿಂಡದ ಕಲ್ಲು ಕಡಿಮೆಯಾಗಲು ಸಹಾಯವಾಗುತ್ತದೆ.
ರಕ್ತಮೂತ್ರ (Haematuria): ದಿನಾಲೂ 5 ಗ್ರಾಂ ಶತಾವರಿ ಪೌಡರನ್ನು ಸಕ್ಕರೆ ಜೊತೆ ದಿನಕ್ಕೆ ಎರಡು ಸಲ ಊಟದ ನಂತರ ಸೇವಿಸುವುದರಿಂದ ಉರಿಮೂತ್ರ ಮತ್ತು ಮೂತ್ರದಲ್ಲಿ ರಕ್ತ ಬರುವಿಕೆಯನ್ನು ಕಡಿಮೆ ಮಾಡುತ್ತದೆ.

ಅಲ್ಪವೀರ್ಯ(Aligosper mia): ಶತಾವರಿ ಪೌಡರನ್ನ ಅಶ್ವಗಂಧ ಪೌಡರ್ ಮತ್ತು ಕಪಿಕಚ್ಚು ಪೌಡರ್ ಮೂರು ಸಮ ಪ್ರಮಾಣದಲ್ಲಿ ಮಿಶ್ರಣ ಮಾಡಬೇಕು, ಮೂರರಿಂದ ಐದು ಗ್ರಾಂ ಮಿಶ್ರಣದ ಪುಡಿಯನ್ನು ಒಂದು ಕಪ್ಪು ಹಾಲಿನಲ್ಲಿ ಸೇರಿಸಿ ಐದು ನಿಮಿಷ ಕುದಿಸಬೇಕು, ನಂತರ ಇದನ್ನು ಶೋಧಿಸಿ, ಕಡಿಯುವುದರಿಂದ ವೀರ್ಯ ಪ್ರಮಾಣವನ್ನು ಹೆಚ್ಚಿಸುತ್ತದೆ ಹಾಗೂ ಶರೀರದ ಶಕ್ತಿ ಸುಧಾರಿಸುತ್ತದೆ.

ಶರೀರ ತೂಕ ಹೆಚ್ಚಿಸಲು (Weigh Gain): 5 ಗ್ರಾಂ ಶತಾವರಿ ಪೌಡರನ್ನು ಬಾಳೆಹಣ್ಣಿನ ಮಿಲ್ಕ್ ಶೇಕ್‌ ಜೊತೆ ಎರಡು ಸಲ ಸೇವಿಸುವುದರಿಂದ ಶರೀರ ತೂಕ ಹೆಚ್ಚಾಗುತ್ತದೆ. ದುರ್ಬಲ ಮತ್ತು ತುಂಬಾ ತೆಳ್ಳನೆ ವ್ಯಕ್ತಿಗಳಿಗೆ ಇದು ಒಳ್ಳೆಯ ಆರೋಗ್ಯ ಟಾನಿಕ್ ಆಗಿದೆ.

ಸ್ತ್ರೀ ಸಂತಾನೋತ್ಪತ್ತಿ ವ್ಯವಸ್ಥೆ (Female Reproductive System): 5 ಗ್ರಾಂ ಶತಾವರಿ ಪೌಡರ್ ಅನ್ನು ನಿಯಮಿತವಾಗಿ ದಿನಕ್ಕೆ ಎರಡು ಸಲ ಸೇವಿಸುವುದರಿಂದ ಮಹಿಳೆಯರಲ್ಲಿ ಕಂಡುಬರುವ ಪಾಲಿಸಿಸಕ್ ಓವರಿನ ಸಿಂಡೋಮ್ (DCOS) ಕಡಿಮೆಯಾಗಲು ಸಹಾಯವಾಗುತ್ತದೆ. ಸ್ತ್ರೀ ಹಾರ್ಮೋನುಗಳನ್ನು ಸವ ತೋಲನದಲ್ಲಿಡುತ್ತದೆ. ಋತುಚಕ್ರದ ಸಮಸ್ಯೆಯನ್ನು ನಿವಾರಿಸುತ್ತದೆ. ಅಂಡೋತ್ಪತ್ತಿ ಚಕ್ರವನ್ನು ಸುಧಾರಿಸುತ್ತದೆ. ಸ್ತ್ರೀಯರಲ್ಲಿ ಗರ್ಭಧಾರಣೆಯ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ. ಮಹಿಳೆಯರಲ್ಲಿ ಮುಟ್ಟುನಿಲ್ಲುವ ಸಮಯದಲ್ಲಿ ಉಂಟಾಗುವ ಸಮಸ್ಯೆಗಳನ್ನು (Menopausal Problems) ಕಡಿಮೆ ಮಾಡಲು ಸಹಾಯವಾಗುತ್ತದೆ.

ಶತಾವರಿಯ ಔಷಧಿ ಗುಣಗಳು:
ಆಂಟಿಆಕ್ಸಿಡೆಂಟ್‌ (Antioxident), ಆಂಟಿ ಇನ್‌ಫ್ಲೆಮೆಟರಿ (Antiin flammatary), ಸೂಕ್ಷ್ಮಾಣು ನಾಶಕ (Antimicrobial). ಆಂಟಿ ಕ್ಯಾನ್ಸರ್‌ (Anticancer) ಈ ಗುಣಗಳನ್ನು ಹೊಂದಿದೆ.

ಶತಾವರಿಯ ಪೋಷಣೆ ಸಂಯೋಜನೆ (Nutritional Composition): Calcium. Magnesium, Potassium. Copper. Zinc. Vit A., Vit C., Cobalt, Selenium, ಶತಾವರಿ ಬೇರನ್ನು ಬಳಸುವ ಮೊದಲು ಆಯುರ್ವೆದ ವೈದ್ಯ/ ತಜ್ಞರನ್ನು ಸಂಪರ್ಕಿಸಿ ಅವರ ಸಲಹೆ ಪಡೆದುಕೊಂಡು ಇದನ್ನು ಉಪಯೋಗಿಸಬೇಕು.

Shatavari Queen of Herbs
Kannada Name: ಮಜ್ಜಿಗೆ ಗಡ್ಡೆ, ಮಕ್ಕಳ ತಾಯಿಬೇರು
Sanskrit Name: ಶತಾವರಿ
English Name: Asparagus
Botanical Name: Aspara- gus Recemousus (ಬರಹ : ಡಾ. ಸ್ವಾತಿ ಸುರೇಶ್‌, ಕುಂಬಾರ
ಆಯುರ್ವೇದ ವೈದ್ಯರು, ಬೆಂಗಳೂರು) ಸುದ್ದಿದಿನ.ಕಾಂ|ವಾಟ್ಸಾಪ್|9980346243

Continue Reading

Trending